Apocalipsis 14:14 - NandevaBiblia

¹⁴ Hareka amaĩjy, ahesha pente ãvãpyntu tĩĩva hareka ãvãpyntu ĩãrẽ vapy'ẽ ovava kuareta Hĩnjapo, ĩmereva ñakare pente tankare ñonoava verava, hareka ipopere kyse japava haĩmbeva.

Apocalipsis 14:14 Iomraidhean Croise

Mateo 13:30

Haikavivepo pyma'ẽĩ pũã hãndi mỹno'õapeve, haipokui mba'apo ia retape tynonde poo verã ñanava hareka mambaty verãre hapyha verã, haivipo mbatyhakui trigo natũã verã.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Marcos 4:29

Haivi javyjemãrã myno'õhã, shara vãhẽma jy'ararã.

Lucas 21:27

Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

Apocalipsis 1:13

Hareka hoka 7 tataĩndy hyru mbytepe ahesha kuareta Tay ovava, ñimimondeva mondeava pukuvapy ipypeve vãhẽva hãrã pente ku'a jokuahaka ita vera ijuva pitiare.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Apocalipsis 10:1

Hãrã aheshajy Tũpa jokueva ĩrũ ñymbaikatuva, vejy vate araivi ãvãpyntu mbytepe hareka ĩmere ñakare pente jyi. Hova hĩmbipe kuarasy rãĩmi, tymare tata puku jypotavasu'õva rãĩmi.

Apocalipsis 11:17

haire hei: Me'ẽha nde yry'ajetekue Yreja, Tũpa opa nymbaikatuva, haiñoĩva hareka haiva, hareka ou verã. Shara ndepopemaryre nymbaikatukue hareka reñepyrõma huvisharãrẽĩ ko yvy'ĩãrẽ.

Apocalipsis 19:12

Hesare tata hendyva rãĩmi; ñakare hetare tankare ñonoava, hareka ĩmere tyree mbyparahava mbamba kuava, Ha'iĩ koñeĩ kuaa.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 6:2

Amaĩrã, ahesha pente kavaju tĩĩva. Hãrã ĩãrẽ vapy'ia veru ipope pente vyrapa, haivi me'ẽãshu pente tankare ñonoava, hareka õhẽkavi ñyrãrõivi hareka hykuaĩ õhẽkavijy verã ñyrãrõivi.