Apocalipsis 14:13 - NandevaBiblia

¹³ Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Apocalipsis 14:13 Iomraidhean Croise

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Lucas 16:25

Tẽvã Abraham heishu: “Shyray, manduahe rĩmẽteririrã mbai heta ryrerã rikokavi, kyrãite rãnga Lázaro heta hasa'asy jyve. Hãrã ã'ẽ hai vy'a ẽẽ kope, ndehaitema ryhasa'asyiterẽĩ jyve.

Lucas 16:9

Hãrã hai pee: Pory kyrypoti ko hekopembaa ĩmeryreva rymbyheta verã rĩmi'ĩrũ verã. Haivi, kyrã opama pyhevi hokava kyrypotirã, Tũpa hareka jokuereare nymyvãhẽpo pente oo vate arape'õ opa ara pevarã.

Romano 14:8

Ñaĩmeterijairã, jaiko Ñandeja pevarã, hãrã ñamanomarã, ñamano Ñandeja pevarã. Kyrã ñamano maĩra ñaĩmeteri jairã, Ñandeja ña'ãpova ñande.

1 Corintios 15:18

Kyrãrã Cristo jyrojaheva mano vekuare, jyvarehama jyvehe.

1 Corintios 15:20

Tẽvã Cristo kuerajy! Kova rãnga ñanymboihe opaite manovare kuerajy handi verã jyve.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

2 Corintios 5:8

Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

1 Tesalonicenses 4:14

Kyrã jarojava rãĩmi Jesús mano hareka kuerajya manovare mbyteivi, kyrãĩ jarojajy Tũpa mbyhykovejy verã Jesús hãndi; jyroja ryheve mano vekuare.

1 Tesalonicenses 4:16

Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

1 Timoteo 5:24

Ĩme'ẽ mbai porãmbava japo'ia, ndeiteri ma'ẽhã'ẽhẽrãvãĩ jykuaaheva, tẽvã ĩme'ẽjy mbai porãmbava iko marãmeĩ ajera heshahava.

1 Timoteo 5:25

Kyraĩ jyve mbaikavi japoa vekua ijyhesha jyve, ajemaĩ ĩme'ẽ heshahamba, tẽvã mbai porãmba yngavare japova katuãpo opa ara ñomire.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 10:4

Ijetama 7 hy'apuva retarã, pota ambypara'are kuatia mishĩvamipe haire heiva, tẽvã vate araivi ahendu pente ñee heisheva: Avy mbeukui 7 hy'apuva heivare hareka avy ñono kuatiape.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 11:19

Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 16:17

Tũpa jokueva shiuhea jycopa yvyture ñohẽ hareka õhe pente ñee hỹnatuva tũpaoivi, jyvapykaivi heiva: Opama iko!

Apocalipsis 19:9

Tũpa jokueva heishe: Mbypara kova: “Vy'apo opaite hẽnohakavare Avisha Ray omendavape”. Haivi heishe: “Kovare hai ñee añeteva Tũpa ryheva”.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi:

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 20:6

Vyapo reta heko kyamba ñytynonde hykovejy verãre. Ñymano mokuehea jepyveãmapohe reta, koñeĩ pai ruvisha Tũpa ryhevaĩmapo hareka Cristo, hãrã mburuvisharãpo'ẽ hãndi 1.000 ãño.

Apocalipsis 21:5

Tũpa hei vapy'ẽvaivive: “Opa mbaire ajapo py'ahujy!” Hãrã heijy: “Mbypara, shara kova ñee añeteva ryheva hareka katu jarojava”.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.

Apocalipsis 6:11

Hãrã me'ẽhashu reta mondeava tĩĩva hareka he'iashu reta kỹỹmi putuujy verãre, opa manopeve mano verãre Tũpa heepe haire rãĩmi,