Apocalipsis 14:10 - NandevaBiblia

¹⁰ haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 14:10 Iomraidhean Croise

Mateo 20:22

Tẽvã Jesús heishu reta: Pee pikuãã pirureva. Pẽĩra pyhasa'asy verã, she ahasa'asy verã rãĩmi? Haire hei: Õĩha rãnga hasaha verã.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 26:39

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Marcos 9:44

haipe tasore manoã hareka tata ove'ãĩtei.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.

Apocalipsis 15:7

Hareka penteva urũndy hykove'ia reta pãũvi memeẽshu 7 Tũpa jokuevare kopa ita vera ijuva, tynyheva Tũpa poshykue hykove'ia opa ara.

Apocalipsis 16:19

Haivi yvyryryvasu tenta vasu opa mbijao mbahapy hendape, hareka tentare tenta vasu retaivi opaite japaku. Tũpa sareãhe Babilonia, mbyupy verã vino Tũpa poshykue pohyiteveva ryheva.

Apocalipsis 18:3

Shara opaite tenta vasure ñymyngaupy vino heko kyrãrãĩ'iapy; mburuvisha vasure yvy ĩãrẽ'õre kyrãrãĩ jyre hãndi, mavende'iare opa ikokatupy hai oparei mombo vekuapy.

Apocalipsis 18:6

Pijapo jyvehe hai japo vekua rãĩmi yngava retare, mokuejy pymeẽjyshu porãmbava hai japo vekua. Pymbyupy mokuejy iroveva hai yngavare myhẽvã'ẽshua.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.