Apocalipsis 13:17 - NandevaBiblia

¹⁷ Mba'etypo mba'ovava maĩrã mavendeva mba'etyre heshahe verãrã, jaishu mymba ñarõva hee maĩrã jypapa ryheva.

Apocalipsis 13:17 Iomraidhean Croise

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

Apocalipsis 13:16

Haivi japo opaitevare ñonohahe verã pente heshahe verã, ipo jakatare maĩrã syvare, ikokatuva hareka pavetevare, sanjayre hareka sanjaymbare, jokuembareare hareka jokuehareare.

Apocalipsis 13:18

Kope ikoatẽvepokui ãrãndu. Mbai heta kuava pya timbijetahe kova jypapa mymba ñarõva ryheva, shara jypapa hai kuareta ryheva; haiva 666.

Apocalipsis 14:11

Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Apocalipsis 14:9

Hãme mbahapyhea Tũpa jokueva moña yngavare sapukerã hei: Ĩme'ẽ omombaiva mymba ñarõva hareka ha'ãnga hareka ñonoka syvare heshahe verã, maĩrã ipore,

Apocalipsis 15:2

Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha'ãnga hareka hee papahapya, hareka opaiteva ĩmere reta arpare Tũpa ña'ãpova.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 22:4

Hareka Tũpa hova opaitevapo hesha, heere syvarepo mbyparaha.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 7:3

Heishu reta: Avy pijapohe porãmba yvy hareka yyvasure, maĩrã yvyra retare, opapeve myhã'angahashu syvare ñanu Tũpa ryhevare.