Apocalipsis 13:15 - NandevaBiblia

¹⁵ Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 13:15 Iomraidhean Croise

Santiago 2:26

Shara ñandyrete putũhẽãrã mano, kyrã jyve jyrojakuepe mbaimba japova, manoma.

Apocalipsis 13:1

Haivi aheshajy yyvasuivi õhẽ'ia pente mymba ñarõva 10 ijuureva hareka 7 ñaka, pepenteĩ ijuure ĩmere tankare ñonoava, hãme ñakare pepenteĩrejy mbyparahava pente tyree Tũpa jypejuheva.

Apocalipsis 13:12

mymba ñarõva tynondeva mbyperearã manotẽ verã kuerajya hỹnonde ĩme'ẽrã, opaĩ pory jyve mbaikatu hai ĩmerea, hareka japoka yvy'ĩãrẽ opaite ikopyare omombaishu verã.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 14:11

Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Apocalipsis 14:9

Hãme mbahapyhea Tũpa jokueva moña yngavare sapukerã hei: Ĩme'ẽ omombaiva mymba ñarõva hareka ha'ãnga hareka ñonoka syvare heshahe verã, maĩrã ipore,

Apocalipsis 16:2

Hãrã tynonde'õ Tũpa jokueva oho hakuava kopapy'õ yvy'ĩãrẽ, hareka opaiteva myhã'ãnga ĩmereva mymba ñarõva ryheva hareka omombaiva ha'angare õhẽhe tukuru hasyraiva.

Apocalipsis 16:5

Haivi ahendu Tũpa jokueva yy ija: “Tũpa, nde ndyreko kyamba, opa arañoĩ rikova, hekope kavi nde rijaheheva.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 17:17

Tũpa pyape ñonoshu reta haire potavẽĩ japo verã, shara pente ñeepe ñynoĩ meẽshu verãre mbaikatu mymba ñarõva opa ikopeve Tũpa hei vekua.

Apocalipsis 17:6

Haivi ahesha taupe savypo'ipy Tũpa ryhevare huvykue hareka jukaha vekuare Jesús hee myhỹrãkua jyrerã. Aheshama hokavarã mbyry ãmaĩ.

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 18:24

Tũpa jahehe hokava tenta, hai rehe opa jukaha Tũpa ĩñee mbeu'iare, hareka hai pyhyrõvare, hareka jyve heta yvy'ĩãrẽ'iare”.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.