Apocalipsis 13:14 - NandevaBiblia

¹⁴ Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 13:14 Iomraidhean Croise

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:1

Haivi aheshajy yyvasuivi õhẽ'ia pente mymba ñarõva 10 ijuureva hareka 7 ñaka, pepenteĩ ijuure ĩmere tankare ñonoava, hãme ñakare pepenteĩrejy mbyparahava pente tyree Tũpa jypejuheva.

Apocalipsis 13:15

Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 14:11

Hareka jyhasa'asy hãtãtikuere jupi oho'ẽ opa ara. Mymba ñarõva hareka ha'ãnga omombaiva, putuveamapo arape hareka pynturã, opaĩ hai hee ñonokavare.

Apocalipsis 14:9

Hãme mbahapyhea Tũpa jokueva moña yngavare sapukerã hei: Ĩme'ẽ omombaiva mymba ñarõva hareka ha'ãnga hareka ñonoka syvare heshahe verã, maĩrã ipore,

Apocalipsis 15:2

Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha'ãnga hareka hee papahapya, hareka opaiteva ĩmere reta arpare Tũpa ña'ãpova.

Apocalipsis 16:13

Haivi ahesha mboivasu juruivi hareka mymba ñarõva juruivi hareka Tũpa ĩñee mbeu'ia japuva juruivi, õhẽ mbahapy espiritu porãmbava kururu rãĩmiva.

Apocalipsis 16:2

Hãrã tynonde'õ Tũpa jokueva oho hakuava kopapy'õ yvy'ĩãrẽ, hareka opaiteva myhã'ãnga ĩmereva mymba ñarõva ryheva hareka omombaiva ha'angare õhẽhe tukuru hasyraiva.

Apocalipsis 18:23

“Sapeveãmapo lampara, ñyhenduveãmapojy omendava ñymby'aretevare! Shara mavende'iare hai pyrãtava yvy'ĩãrẽ, tẽvã nde ndypajekuepe opa rymbytavy tenta vasu retape.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.