Apocalipsis 13:13 - NandevaBiblia

¹³ Hareka japo jyve mbai heshaha verã ojaimbava kuaretare hỹnonde, tatave ity jyve vate araivi yvy ĩãrẽ.

Apocalipsis 13:13 Iomraidhean Croise

Mateo 16:1

Fariseo hareka saduceore oho Jesús'õpe, pyahãshu verã jurureshu reta mbai heshahava vate araivi ouva. Kyrãra hai heshakapo pyrãtãkue.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

2 Timoteo 3:8

Kyrã jyve Janes hareka Jambres ñymbyvaisho jyrehe reta Moisés, hareka kova kuaretare ñymbyvaishohe añetevare. Hai kuaretare kyavaĩ ñakapereva, jyrojakuepe porãmba heshahava.

Apocalipsis 11:5

Hãrã ĩme'ẽ mbava pota porãmba japohea retarã, haire juruivi nohẽpo tata hapy vẽra hyvaishore, ĩme'ẽ mbava pota porãmba japohea retarã, kyrãpo jukaha.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 20:9

Haire vatapo opaite yvy ĩãrẽ, Tũpa henta ryheva opapo jerehe hareka tenta haihuhava, tẽvã õhẽpo tata vate araivi hareka opaitepo hapy.