Apocalipsis 13:1 - NandevaBiblia

¹ Haivi aheshajy yyvasuivi õhẽ'ia pente mymba ñarõva 10 ijuureva hareka 7 ñaka, pepenteĩ ijuure ĩmere tankare ñonoava, hãme ñakare pepenteĩrejy mbyparahava pente tyree Tũpa jypejuheva.

Apocalipsis 13:1 Iomraidhean Croise

Apocalipsis 11:7

Hãrã opama mbapy mbeuva Tũpa ĩñeerã, mymba ñarõva õhe yvykua vasu huvaivi ñyrãrõ hãndi reta, jepyhe retarã jukapo reta.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 13:11

Haivi aheshajy ĩrũ mymba ñarõva yvyivi õhẽva, hareka ijuu mokue ĩmerea avisharay rãĩmi, tẽvã mboi vasu rãĩmi ijeta;

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 13:15

Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 15:2

Hareka ahesha pente yyvasu vidrio rãĩmi sãkava jihiava tata, hareka jichepe ñymboy ñynoĩ akuavare jepyheva mymba ñarõva hareka ha'ãnga hareka hee papahapya, hareka opaiteva ĩmere reta arpare Tũpa ña'ãpova.

Apocalipsis 16:13

Haivi ahesha mboivasu juruivi hareka mymba ñarõva juruivi hareka Tũpa ĩñee mbeu'ia japuva juruivi, õhẽ mbahapy espiritu porãmbava kururu rãĩmiva.

Apocalipsis 17:16

Ijuure 10 reva hareka mymba ñarõva ryhesha vekua, mymorãveãpo taupe kyrãrãĩ'ia, hejapo hã'ẽĩ hareka piretei, ho'okuepo houjy hareka tatapepo hapyjy.

Apocalipsis 17:3

Haipe Tũpa jokueva shyresape ouvape Espiritu Santo shymbyheshakavape, ou shyraha yvy ikoambaipi, haipe ahesha pente taupe vapy'ia mymba ñarõva pyntavare, heta ĩmere ijehe tyree ñee porãmba Tũpa pevarã hareka ĩmembare 7 ñaka hareka 10 ijuukuere.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 19:19

Haivi ahesha mymba ñarõva, yvy ĩãrẽ'õ mburuvisha vasure hareka ñysyndarore ñymbaty ñyrãrõ verãre.