Apocalipsis 12:9 - NandevaBiblia

⁹ Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 12:9 Iomraidhean Croise

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 4:1

Haivi Espiritu Santo raha Jesús yvy ikoambaipi, haipe Ãña pyahããshu verã.

Mateo 4:10

Jesús heijyshu: Satanás, ekuashe koivi, Mbyparahavape rãnga hei: “Ñandeja nu Tũpa hỹnondepo rĩñesu, hareka ha'ẽĩpo rẽmombai vasu”.

Mateo 4:5

Haivi Ãña rahashu tenta Tũpa ña'ãpova tenta kyamba'ẽvãpe, hupishu tũpao japytere,

Mateo 4:8

Koñemahea Ãña rahashu yvyturusu japytere, haipe mbyheshaka opaite tenta yvy ĩãrẽ'õre, hareka haire hĩmbipekue.

Lucas 10:18

Jesús heishu reta: “She ahesha marãra Satanas oa vate araivi, vera vekua rãĩmi.

Lucas 13:16

Tẽvã ko taupe Abraham ñymoñashia, Satanás pokua ñonoshu vekua 18 ãñoma mbairasykue ryheve. Hãmera õĩã poihakashi verã kova mbairasykue putu'uava jy'arape?

Lucas 22:3

Hãma Satanas iche Judas Iscariote pyape, hai jyve penteva 12 Jesús mboireare,

Lucas 22:31

Heijy Ñandeja: Pedrope: Simón, Simón, Satanas jururema pyndyrehe opa pynymomohẽ verã, trigo mbovaharã mbyvavaha'õ rãĩmi.

Lucas 8:12

timĩty oava pehupi, hai henduva Tũpa Ĩñee. Tẽvã ou Ãña opa hekyjyshi pyaivi Ñee kaviva, potã jyroja hareka ohojeperã.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

2 Corintios 11:14

Hokava ha'ẽã haĩrãĩ jahesha verã. Satanás teiva rãnga ikopy hete heshaha verã pente Tũpa jokueva hĩmbipeva rãĩmi!

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

2 Corintios 2:11

Kyrãrã Satanás ñymytynondeãpo yryrehe, jaikuaa kavi rãnga piriritysea rãĩmi.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

2 Tesalonicenses 2:3

Avy pyma'ẽĩhe mbava pynymbytavy, shara tynondepo vãhẽkui ara Tũpa ñymbyvaisho ouheare hareka ijeshakapojykui kuareta heko porãmba, jyvare pyryrehe verã.

1 Timoteo 2:14

ha'ẽãmba Adán mbytavyhava, taupe rãngamba, mbytavyamarã oamba mbai porãmbape.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Judas 1:9

Miguel, Tũpa jokueva juhuvishateiva kyrã japo jyve Ãña ñyrãrõ hãndirã vekua, hekyshi verã Moisés hetekue, tẽvã jaheãhe, koñeĩ heishu: “Ñandeja tijahe ndyrehekui”.

Apocalipsis 12:12

Hãme rãnga pyvy'aĩpo ara vate'õva hareka pikopyva! Tengapo yvy'ĩãre'iare hareka yy vasupy iare! Shara poshyite ryheve Ãña vejymape, kuama jy'ara pukuveama potarã.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 12:7

Haivi iko ñyrãrõ vasu vate arapy, Miguel hareka vate arapy jokuevare, ñymbyvaishohe mboi vasu. Hãrã mboi vasu jokuevare hãndi ñyrãrõ jyve.

Apocalipsis 12:8

Katynga jepyãhe reta hareka me'ẽãveãmashu reta vate arapy'ẽ verãpe.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.

Apocalipsis 18:2

Hynatu sapuke, hãrã hei: O'ama Babilonia, tenta tivishava, ikomashi mbaiposhyre henta, opaĩ marãrãngatuva espiriture ikua hareka opaĩ marãrãngatuva vyra ky'ava hareka opaite mymba ñarõva.

Apocalipsis 18:23

“Sapeveãmapo lampara, ñyhenduveãmapojy omendava ñymby'aretevare! Shara mavende'iare hai pyrãtava yvy'ĩãrẽ, tẽvã nde ndypajekuepe opa rymbytavy tenta vasu retape.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

Apocalipsis 2:24

Tẽvã pee Tiatirape peĩva, pehombahipia hokava pyrỹmbo'eahea hareka pikuamba haire mbyhee vekua Satanás japokava ñemiãpe'õ, hai pee: Añonoveãmapo peãrẽ ĩrũ mbai pohyva.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Apocalipsis 20:8

Õhẽpo mbytavy verã opaite tenta vasu retape, Gogpe hareka Magogpe, hoka he'ise opaite tenta yvy'ĩãrẽ'õre. Ñymbatypo hokava tentape'õre ñyrãrõ hãndi verã; ñysyndarore katumba opa papahava yvy ku'i rãĩmi.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.

Apocalipsis 9:1

Tũpa jokueva 5 hea mbi'ipu trompeta, hareka ahesha pente jasytata vate araivi oava yvy'ĩãrẽ, hareka me'ẽãshu vekua yvykua vasu kypeva hõche pe'aka.

Apocalipsis 9:20

Kuaretare hembyva, mbairasy porãmba vekuaivi manombare, hejãã reta mbai porãmba japo vekuare, poimbaa omombaiva ãñare, hareka ta'ãngare japoava ita vera ijuvaivi, ita vera tĩĩvaivi, bronceivi, hareka yvyrava, katumba heshava kũvãipi hareka henduĩmba hareka vataĩmba.