Apocalipsis 12:4 - NandevaBiblia

⁴ Huvepy mbytyryry mbahapy henda'õ jasytatare hareka mombo yvy'ĩãrẽ, haivi mboivasu oho taupe memby'ẽ verã hỹnonde, membymarã opa houshi verã.

Apocalipsis 12:4 Iomraidhean Croise

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

Apocalipsis 12:7

Haivi iko ñyrãrõ vasu vate arapy, Miguel hareka vate arapy jokuevare, ñymbyvaishohe mboi vasu. Hãrã mboi vasu jokuevare hãndi ñyrãrõ jyve.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:2

Kova mymba ñarõva ova michivasu, tẽvã ipy mymba oso rãĩmiva hareka juru ñavapynta juru rãĩmiva. Hãrã mboi vasu meẽshu ñymbaikatukue hareka vapypya, harekajy pota japova japohe verã kuaretare.

Apocalipsis 13:4

Haivi opaitevama omombai mboi vasu, shara me'ẽãshu mbaikatu ojaimbava pota japova japo verã hareka omombai jyveshu reta ko mymba ñarõva hãrã hei reta: Mbavara pyrãta kova mymba rãĩmi? Mbavara ñyrãrõpo hãndi?

Apocalipsis 16:13

Haivi ahesha mboivasu juruivi hareka mymba ñarõva juruivi hareka Tũpa ĩñee mbeu'ia japuva juruivi, õhẽ mbahapy espiritu porãmbava kururu rãĩmiva.

Apocalipsis 17:18

Hãrã taupe ryhesha vekua tenta ojaimbava ipope ĩmerea mburuvisha vasure yvy ĩãrẽ'õre”.

Apocalipsis 20:2

Ko Tũpa jokueva pysy mboi vasu, arykaiva mboi, haiva Ãña hareka Satanás, hareka ñapĩnti kadenapy 1.000 ãñopeve.

Apocalipsis 8:10

Tũpa jokueva mbahapyhea mbi'ipu trompetarã, pente jasytata marẽyva oa ara vateivi, tata hendyva rãĩmi, oa ĩãrẽ mbahapy henda'õ yy syryvare hareka yy õhẽ'õre ĩãrẽ.

Apocalipsis 8:11

Jasytata mbyheeha “irova” hareka mbahapy henda'õ yyre opa'iro, hai rehe heta kuareta opa mano.

Apocalipsis 8:12

Tũpa jokueva urũndyhea mbi'ipu trompetarã, mbahapy hẽndahea kuarasy, jasy hareka jasytatare opa mambaiha. Hokava rehe mbahapy henda'õ hairetaivi hẽndyveã, hãrã sapeveã mbahapy henda arakuepe hareka pyharekue.

Apocalipsis 8:7

Tũpa jokueva tynonde'õ mbi'ipu trompetarã, oa amanda hareka tata turuvy jihiava. Hãrã opa oke yvy mbahapy hendape, hãndi jyve mbahapy henda yvyrare hareka opaite kapii hovy'ova.

Apocalipsis 8:8

Hãma Tũpa jokueva mokuehea mbi'ipu trompetarã, oa pente mbai hendyva yyvasupe, marẽy yvyturusu rãĩmiva, hãrã yyvasu mbahapy henda'õ opa ikoshi tuvy,

Apocalipsis 8:9

hareka japoha vekuare mbahapy henda'õ yyvasupy ikovare opa mano hareka mbahapy henda'õ varkore opa mambaiha.

Apocalipsis 9:10

Huvere ĩmere pente pũ'ũcha vãkyrãpe rãĩmi; hareka mbyhasy verã kuaretare 5 jasykavi.

Apocalipsis 9:19

Shara kavajure ñymbaikatukue ẽẽshu jurupe hareka huvepe, huve ova mboi hareka ñakare opa pyrỹmbypepere verã.