Apocalipsis 12:1 - NandevaBiblia

¹ Haivi ijyhesha arare pente tivishava mbai heshahava: Pente taupe kuarasype ñymondeva, hareka jasy ipy ipere, hareka ñakare'ẽ pente tankare ñonoava 12 jasytata ĩmerea.

Apocalipsis 12:1 Iomraidhean Croise

Mateo 12:38

Haivi fariseore hareka Moisés mbypara vekua pyrỹmboi'iheare heishu reta Jesús: Pyrỹmboi'ia, potaha rãnga rijapo pente mbai heshaha verã.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Marcos 13:25

Jasy tatare opapo oa vate araivi, hãrã mbai arapy'õre mbaikatu opapo'õmykui.

Lucas 21:11

õĩpo yvyryry vasu, ñymbahy hareka mbairasy opa rupi, hãrã mbai ñanyngyjeva hareka mbai heshaha verã jykuaapo vate arare.

Lucas 21:25

Hãma ẽẽpokui mbai heshaha verã kuarasyre, jasyre, hareka jasytatare, hareka yvy'ĩãrẽ kuaretare opapo vy'ãã reta hareka opapo kuããpy reta yyvasu hy'apua porãmba ñupũãva rehe.

Juan 3:29

Omendava ikovape tyrekorã ĩmerea hai temerã; hareka temerã ñi'ĩru haipe'ẽ hendu ijeta'ẽherã mbyvy'aite. Kyrãĩ jyve she avy'aite ãĩ jyve.

Hechos 2:19

Hãrã aheshakapokui vate arare mbai heshahambava hareka yvy'ĩãrẽ ẽẽpokui mbai heshaha verã: Tuvy, tata hareka tatãti.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

2 Corintios 11:2

Shykateỹ rãnga pyndyrehe, shara kova Tũpaivi ourã; she rãnga pota apyrỹmbyrekoka, pente kuñataĩ pokoambaterihea rãĩmi, pentevaĩ pemerã verã, hokava hai Jesucristo.

Galatas 3:27

Shara ñymyngaraima retarã ñimi'ĩrũmahe Cristo hareka ã'ẽ hai rãĩmima jyre.

Galatas 4:26

Hoka tenta Jerusalen vate arapy'õ hai kova taupe haimba jokuearea, hokava hai opaiteva ñandesy.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Efesios 5:32

Mbai vasu tivishava ko kuaambava heiha ñande; hãrã shee hai pee tũpaore hareka Cristo.

Apocalipsis 1:20

Hokava kuaahamba 7 jasytata ryhesha vekua shepo shakatape, he'iseva hai Tũpa jokuevare 7 tũpaore, hareka 7 tataindy hyrure ita vera ijuva ryheshava hai 7 tũpaore.

Apocalipsis 11:19

Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 12:3

Haivi jykuaajy ynga heshahava vate arare: Pente mboi vasukue pyntava, 7 ñakavare hareka 10 ijuureva, ñakare pepenteĩre tankare ñonoava.

Apocalipsis 15:1

Hareka ahesha ynga mbai heshahava arare ojaimbava hareka mbyry ma'ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.

Apocalipsis 21:14

Tenta mangorahapya ĩmere 12 jypyre hareka ĩãrẽ ẽẽ 12 tyreere 12 Avisha Ray jy'apostolre hee.

Apocalipsis 21:23

Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.