Apocalipsis 11:8 - NandevaBiblia

⁸ Hetekuere jypypysopo oho tentavasu hape retaipi, hoka tentape Ñandeja kurusure mbysavavaha hãndi vekuape, mbyheea rã'ãngava Sodoma hareka Egipto he'iashuva.

Apocalipsis 11:8 Iomraidhean Croise

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Hechos 9:4

Saulo oa yvyperã hendu pente ñee heiva: “Saulo, Saulo marã'irãra shymoñari?”

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 6:6

hykuaĩ oajyrã, katuveãmapo ñymbeujy retakui Tũpape, maĩny haire hykuaĩpo Tũpa Tay jukarã kurusure ñonojy retakui hareka ñymbyhorypohe kuaretare hỹnonde.

2 Pedro 2:6

Tũpa jahembahe arykai tenta vasure Sodoma hareka Gomorra; opa hapy ñytanimbupeve, heshaka verã mbaivarapo jehu heko kyava retape.

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.

Apocalipsis 11:13

Haipekavi iko yvyryry vasu, hareka 10 jaty'õvaivi pente henda tentavasure opa japara, hoka yvyryry vasu 7 mil'õ opa juka, ĩmeĩtẽ'i vekuare opa kyje hãrã omombaishu reta Tũpa vate arape'õ.

Apocalipsis 11:9

Hãrã mbahapy ara mbyteipi opaite ñymoñashiare, opaite henta'õre, opaite tiñeere hareka opaite tenta vasure heshapo tyretekue tẽvã ma'ẽĩhãpohe ñoty.

Apocalipsis 14:8

Haivi ynga Tũpa jokueva moñarã, heijy: Oama, oama Babilonia tenta ojaimbava, opa myngauva tenta vasu retape pyrỹmyngaupya hoope potavaĩ.

Apocalipsis 16:19

Haivi yvyryryvasu tenta vasu opa mbijao mbahapy hendape, hareka tentare tenta vasu retaivi opaite japaku. Tũpa sareãhe Babilonia, mbyupy verã vino Tũpa poshykue pohyiteveva ryheva.

Apocalipsis 17:1

Haipema ou pente Tũpa jokueva 7 õva retaivi, 7 copa ĩmereare, hãrã heishe: “Ei tarỹmbyheshaka taupe kyrãrãĩ'ia ojaimbava yy vasu ĩãrẽ vapy'õ nupaha verã”.

Apocalipsis 17:18

Hãrã taupe ryhesha vekua tenta ojaimbava ipope ĩmerea mburuvisha vasure yvy ĩãrẽ'õre”.

Apocalipsis 17:5

Syvare ĩmere pente tyree kuaahambateriva mbaivara he'ise: Babilonia ojaimbava, opaite kyrãrãĩ'iare ishy ko yvy'ĩãrẽ.

Apocalipsis 18:10

Heshama ñunupa vasurã kyjeite retarã, mbyryĩpo ñynoĩshi hareka sapukepojyre: Tenga, tengaponde, tenta vasu Babilonia, tenta pyrãtai'i vekua, sapy'aitepemba vãhende jaheandyrehe verã!

Apocalipsis 18:18

Heshama reta tenta vasu okeva hãtãtĩkuerã, sapukejyre: Ĩmera'ẽjy ĩrũ tenta pyrãtava kova tenta ojaimbava rãĩmi?

Apocalipsis 18:2

Hynatu sapuke, hãrã hei: O'ama Babilonia, tenta tivishava, ikomashi mbaiposhyre henta, opaĩ marãrãngatuva espiriture ikua hareka opaĩ marãrãngatuva vyra ky'ava hareka opaite mymba ñarõva.

Apocalipsis 18:21

Hãrã pente Tũpa jokueva pyrãtava hupi pente ita, trigo mungu'iapya rãĩmi marẽỹva, hareka momboma yy vasuperã hei: Kyrãpo pyrãtãkue ryheve opa ityha Babilonia, tentavasu ojaimba, hareka mbai arapemba ndyreshahajy verã!

Apocalipsis 18:24

Tũpa jahehe hokava tenta, hai rehe opa jukaha Tũpa ĩñee mbeu'iare, hareka hai pyhyrõvare, hareka jyve heta yvy'ĩãrẽ'iare”.