Apocalipsis 11:19 - NandevaBiblia

¹⁹ Haivi jypea Tũpa jytũpao hõche vate arape'õ, hareka jykuaa tũpaopy ñee me'ẽãva hyru. Ikoma sapuke vasu, hy'apuva, yvy opa ryryva hareka yvytu vasukue hãỹseveva.

Apocalipsis 11:19 Iomraidhean Croise

Apocalipsis 11:13

Haipekavi iko yvyryry vasu, hareka 10 jaty'õvaivi pente henda tentavasure opa japara, hoka yvyryry vasu 7 mil'õ opa juka, ĩmeĩtẽ'i vekuare opa kyje hãrã omombaishu reta Tũpa vate arape'õ.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 12:1

Haivi ijyhesha arare pente tivishava mbai heshahava: Pente taupe kuarasype ñymondeva, hareka jasy ipy ipere, hareka ñakare'ẽ pente tankare ñonoava 12 jasytata ĩmerea.

Apocalipsis 16:1

Hareka ñee hỹnatuva ahendu õhejy tũpaoivi heiva 7 Tũpa jokueva retape: Pekua pakuava 7 kopa yvy'ĩãrẽ.

Apocalipsis 16:18

Haivi ẽẽjy vera vekua, hy'apuva hareka yvyryry vasu kuaretare yvy ĩãrẽ iko jyrerãvaĩ ikomba vekua.

Apocalipsis 16:21

Haivi vate araivi oa amanda marẽrẽyva kuaretare ĩãrẽ, pohykue ajete 20 kiloreva, hareka kuaretare Tũpa hee jahe jyrehe, shara haire pevarã hokava amanda haimba ñunupa pohyiteveva.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 4:1

Haivima amaĩjy vate araperã ahesha pente õche jypeava. Hãrã ñee tynondeite ahendu vekua trompeta rãĩmiva, heishe: Jupi kope ambishakaponde iko verã.

Apocalipsis 4:5

Hãrã vapyhasepyaivi õhẽ hy'apu verasevea, vapyhasepya hỹnonde 7 tataĩndy hendyva sape, hokava reta hai 7 Tũpa ijespiriture.

Apocalipsis 7:15

Hãme rãnga ã'ẽ haire ẽẽ Tũpa vapypya hỹnonde, ara hareka pyhare ijokueka ñynõishu jytũpaope, Tũpa ẽẽpo hãndi reta hareka ñyngarekopohe.

Apocalipsis 8:5

Haivi Tũpa jokueva heky mbai pishekatuva hyru, mynyhẽ tatapyĩ jypotateri'õ altar ĩãrẽ'õva, hareka mombo yvy'ĩãrẽ, hãrã iko hy'apuvasu, hãseva, verava hareka yvyryry.

Apocalipsis 8:7

Tũpa jokueva tynonde'õ mbi'ipu trompetarã, oa amanda hareka tata turuvy jihiava. Hãrã opa oke yvy mbahapy hendape, hãndi jyve mbahapy henda yvyrare hareka opaite kapii hovy'ova.