Apocalipsis 11:18 - NandevaBiblia

¹⁸ Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

Apocalipsis 11:18 Iomraidhean Croise

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Lucas 1:50

Tũpa pareko ñõĩpo opa ara ñymoñavare hai õmombaishuvape.

Hebreos 9:27

Ñonoãshu penteĩ mano verã kuaretare, hareka haivipo ou ñimbivache verãpe.

Apocalipsis 10:7

Vãhẽpokui ara Tũpa jokueva 7 hea õñepyrõ mbi'ipu verã trompeta hareka ikoma verã Tũpa japo verã ñemiãpereva, hai heishuva rãĩmi jokueva Tũpa ĩñee mbeu'ia retape.

Apocalipsis 11:2

Tẽvã tũpao mangorava katoape'õ avy myhã'ãngahe, shara hokava me'ẽhashu Judiombare, haire pypyrõpohe tenta kyamba Jerusalen mbahapy ãño hareka ova jasyheape.

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 13:16

Haivi japo opaitevare ñonohahe verã pente heshahe verã, ipo jakatare maĩrã syvare, ikokatuva hareka pavetevare, sanjayre hareka sanjaymbare, jokuembareare hareka jokuehareare.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 15:1

Hareka ahesha ynga mbai heshahava arare ojaimbava hareka mbyry ma'ẽãhea: Hai 7 Tũpa jokuevare 7 mbairasy porãmba ryheva koñemaheva, hãrã akuavare opamarã opapo jyve Tũpa poshykue.

Apocalipsis 15:7

Hareka penteva urũndy hykove'ia reta pãũvi memeẽshu 7 Tũpa jokuevare kopa ita vera ijuva, tynyheva Tũpa poshykue hykove'ia opa ara.

Apocalipsis 18:6

Pijapo jyvehe hai japo vekua rãĩmi yngava retare, mokuejy pymeẽjyshu porãmbava hai japo vekua. Pymbyupy mokuejy iroveva hai yngavare myhẽvã'ẽshua.

Apocalipsis 19:15

Hãrã juruivi õhẽ kyse hãĩmbeva, mbyperepy verã opaite tenta vasure. Pỹrãtape ñumbuhuvishapokui, hãrã haiteipo uva ñami'õvã rãĩmi, he'ise Tũpa ñymbaikatukue ryheve poshyva.

Apocalipsis 19:18

Peupokui mburuvishare ho'okue, syndaro miñaka'iare hareka katu ñyrãrõ'iare ho'okue. Peupo jyve kavajure hareka kavajure'iare ho'okue; yngangaiva tyro'opo peu; jokuehamba hãndi jokuehareirea, kuareta mbai vasuveva hareka kuareta mbaimbava”.

Apocalipsis 19:5

Haivi vapyhasepyaivive ñyhendu ñee heiva: Pymbyveteshu ñanu Tũpa opaite pee hai pymba'apopishua pykyjeshia ryheve, pundupukumavare hareka pynyndeiterivare!

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Apocalipsis 22:12

Jesús heijy: “Pingareko! Aijyserima! arupokui me'ẽãreiva pepenteĩ kuaretape ameẽ verã, haire japoa hepykue jururea rãĩmi.