Apocalipsis 11:15 - NandevaBiblia

¹⁵ Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 11:15 Iomraidhean Croise

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Lucas 1:33

Hai ikoposhi Jacob henta ĩrũre Juhuvisha vasu. Hãrã hai'ẽpo opa ara pevarã, japyveamapo.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Lucas 15:6

vãhẽjyma oho hentaperã, mbaty ñi'ĩrũre hareka henta juri'õre, hãrã heishu reta: “Pyvyaminte shendie, shara aheshajyma shy avisha kañy vekua”.

Hechos 4:26

Opaite mburuvisha vasure yvy'ĩãrẽ'õre ñymyhẽva ñyrãrõ verãre, hareka huvishare ñymbaty ñymbyvaishohe verãre Ñandeja hareka Mesias hai pyhỹrõva.

Hebreos 1:8

Tẽvã Tay rehe hei: Tũpa, huvisharã rẽĩvape hai opa arapeva hareka hekope kavipo huvisharãrẽĩkui.

Apocalipsis 10:7

Vãhẽpokui ara Tũpa jokueva 7 hea õñepyrõ mbi'ipu verã trompeta hareka ikoma verã Tũpa japo verã ñemiãpereva, hai heishuva rãĩmi jokueva Tũpa ĩñee mbeu'ia retape.

Apocalipsis 12:10

Haivi ahendu pente ñee hỹnatu araivi heiva: Ã'ẽ vãhẽma pyrỹmondoajepe verã, pyrãtãkue hareka Tũpa huvisha vasurã'ẽ verãpe, hareka ñy ñymbai katukue, shara ãña mohẽama vate araivi, ñandyryvyre arakuepe hareka pyharekue porãmba ijeta'ihea Tũpa hỹnonde.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 16:17

Tũpa jokueva shiuhea jycopa yvyture ñohẽ hareka õhe pente ñee hỹnatuva tũpaoivi, jyvapykaivi heiva: Opama iko!

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:1

Kova mbaijyrã, ahendu vate arape kuareta ñymbaty'õre rãĩmiva hỹnatu hei ñynoĩvare: Aleluya! Ñymondojepe, ñemombai hareka mbaikatu rãnga ñanu Tũpa ña'ãpovare.

Apocalipsis 19:6

Haivi ahendu vate arape kuareta ñymbaty'õre rãĩmiva, yyvasu mbyhy'apuva, hareka hỹnatu hy'apuva rãĩmi, heiva: “Aleluya! Õñepyrõma huvisha vasurã'ẽ hai ẽvãpe, Ñandeja opa ñymbaikatuva.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Apocalipsis 8:12

Tũpa jokueva urũndyhea mbi'ipu trompetarã, mbahapy hẽndahea kuarasy, jasy hareka jasytatare opa mambaiha. Hokava rehe mbahapy henda'õ hairetaivi hẽndyveã, hãrã sapeveã mbahapy henda arakuepe hareka pyharekue.

Apocalipsis 9:1

Tũpa jokueva 5 hea mbi'ipu trompeta, hareka ahesha pente jasytata vate araivi oava yvy'ĩãrẽ, hareka me'ẽãshu vekua yvykua vasu kypeva hõche pe'aka.

Apocalipsis 9:13

Tũpa jokueva 6 hea mbi'ipujy trompetarã, ahendu pente ñee ouva urũndy hahakua'õ altar ita vera ijuva, ẽvã Tũpa hỹnonde.