Apocalipsis 10:1 - NandevaBiblia

¹ Hãrã aheshajy Tũpa jokueva ĩrũ ñymbaikatuva, vejy vate araivi ãvãpyntu mbytepe hareka ĩmere ñakare pente jyi. Hova hĩmbipe kuarasy rãĩmi, tymare tata puku jypotavasu'õva rãĩmi.

Apocalipsis 10:1 Iomraidhean Croise

Mateo 17:2

Haipe hỹnonderãpetei Jesús hete opa yngai oho. Hova opa hĩmbipe kuarasy rãĩmi, hareka jasoiva tĩĩ hendyva sapeva rãĩmi.

Lucas 21:27

Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.

Hechos 26:13

Tẽvã pehupi, shuruvisha vasu, ndoceipimarã ahesha vate araivi sape shyreheva, kuarasyivi himbipeveva opa mykõĩshuri hareka aha hãndivare juri.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Apocalipsis 18:1

Hokava haykuema aheshajy yngava Tũpa jokueva vejy ou vate araivi. Ñymbaikatu vasukue ryheve, hareka hĩmbipekuepe opa mykõĩ yvy'ĩãrẽ.

Apocalipsis 18:21

Hãrã pente Tũpa jokueva pyrãtava hupi pente ita, trigo mungu'iapya rãĩmi marẽỹva, hareka momboma yy vasuperã hei: Kyrãpo pyrãtãkue ryheve opa ityha Babilonia, tentavasu ojaimba, hareka mbai arapemba ndyreshahajy verã!

Apocalipsis 20:1

Haivi ahesha pente Tũpa jokueva vate araivi vejyva. Ipopere pente llave yvykua vasu ryheva hareka pente kadena.

Apocalipsis 4:3

Hãma vapyhapyape vapy'õ ova pente ita verava sãkava hovyããveva pyntahũva. Vapyhaseapy jerehe jyi hĩmbipeva pente esmeralda rãĩmiva.

Apocalipsis 5:2

Haivi aheshajy pente Tũpa jokueva pyrãtaĩteveva hỹnatu ijeta pyrãnduva: “Mbavara ẽẽshu pea verã kova kuatia hareka jorashi verã 7 sello ñonoãheva?”

Apocalipsis 8:13

Haivi ahesha pente vyrachevasu veve'ia ara mbytere, ahendu hỹnatu hei'i: Tenga, tenga, tengapokui! yvy'ĩãrẽ ikovare, mbahapy Tũpa jokuevare mbi'ipuma ñytrompeta retarã.