3 Juan 1:8 - NandevaBiblia

⁸ Ñande ñamboryposhu reta, ñambeu handi verãre Tũpa ĩñee añeteva.

3 Juan 1:8 Iomraidhean Croise

Mateo 10:14

Hãrã pymyvãhẽseã, hareka pynyrẽndusearã, pẽhẽshi hoka oo, hareka tentamire'õĩvi, hãrã pepy pymytymoshi yvytimbokue.

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

Lucas 11:7

Ñañonoshu ñi'ĩrũ oo ivĩĩ heishu: “Avy'ei shymangãtuã'ẽ; ãmbotyma rãnga õche, shyrayre ãñenoma'ãĩ hãndi; katũã'ãpũã ameẽnde maĩnunga”.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Colosenses 4:11

Pynymymarãndu jyve Jesús, Heko Kaviva he'iashua. Kova mbahapy'õ retaĩñoĩte rãnga jyroja israelitare mbyteivi mba'apo shendie Tũpa ẽvãpe'õ ryheva pevarã, hãrã haire heta shymykyrẽỹ.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

Filemon 1:2

hareka jyrojavare ñymbatyva nyrẽntape jyve ñaniindy Apia hareka Arquipo, õñehã'ãha'i hãndiva.

Filemon 1:24

Hareka jyve Markos, Aristarko, Demas hãndi Lucas shymbory'iare mba'apope.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.

3 Juan 1:7

Shara haire õhẽ mbeu verã Jesucristo hee, hareka hekyãshi reta maĩnunga Tũpare jyrojambare.

3 Juan 1:9

Ambyparama kuatia ñandyryvy Cristo ryheva retape, tẽvã Diotrefe potañoĩ huvisharã'ia, pya ohoãhe he'iava.