3 Juan 1:6 - NandevaBiblia

⁶ Opaite ñandyryvyre mbeu reta tũpaope ñymbatyrã, mãrãra ryhaihushu reta. Haikavitevepo rỹmboryshu opaite maĩnunga mba'etyrevape ohojyseve verãre pehupi. Japo kova Tũpa mbyvyashu verã.

3 Juan 1:6 Iomraidhean Croise

Hechos 15:29

Avy peu mymba hoo me'ẽãva tarã'ãnga retape, tuvy, mymba javokahava hareka avy pypyrẽno ndeiteri pemendaheape. Haikavipo pijapokui kova pijijokoshirã. Kova haipeveima.

Hechos 15:3

Tũpao Antioquiaivi mondohavare hasa reta Feniciaipi hareka Samariaipi. Haipe Judio Tũpare jyrojavare mbeu marãra haimba Judiovare opa poishi arykai roja vekuare hareka pya hei jyve reta roja verã Tũpa. Kova ñee henduma retarã vy'a jyre.

Hechos 21:5

Tẽvã opama hasa hoka 7 ararã, õhẽha. Opaite Jesure jyrojavare jyraha hyrekore hãndi hareka ñysanjayre hãndi, ĩrĩmi'ĩrũ reta tenta õhẽãshipeve hareka yy hymbeype ĩñesuharã ñymbo'eha.

Romano 15:24

ãhãrõ ajapokui Españape ahamarã. Ãhãrõ apyryheshakui haipi ahasarã, hareka shymboryhekui aha aiva kyty, tẽvã aikuaa avyapo penendierã.

2 Corintios 1:16

jaishu, Macedoniape ahamajyrã aipota ahasakui pẽĩvape, hãma aijymarã hykuaĩpo ahajykui pẽĩva kyty, haivi shymborypopikui aha verã Judeape.

Filipenses 4:14

Katynga, pee pijapo kavi shymborypi aikotẽvevaperã.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Tito 3:13

Mborykatu jyveshu pyryrepy'ia Zenape hareka Apolope, meẽshu maĩnunga ikotẽvehe verã ohomarã.

1 Pedro 2:20

Hãmera, mbaivara pimbijehupopy ñyhãrõkuape pyhasa'asypi mbai porãmba pijapo vekua rehe? Tẽvã ñyhãrõkuape pyhasa'asy mbai haikaviva pijaporã, hokava haikavi Tũpa hỹnonde.

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.