3 Juan 1:11 - NandevaBiblia

¹¹ Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.

3 Juan 1:11 Iomraidhean Croise

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 3:20

Opaite mbai porãmba japo'iare, mymorãã kõĩvãpe'õ, hareka ñymbojããhe reta kõĩvã shara potãã heshaha mbai porãmba japo'irã.

1 Corintios 11:1

She aikova rãĩmi piko, aikova Cristo rãĩmi.

1 Corintios 4:16

Hãme rãnga airurejype she aikova rãĩmi piko verã jyve.

Efesios 5:1

Pee haiva Tũpa tayre hai haihuiva, piñyhããpo piko Hai ikova rãĩmi.

Filipenses 3:17

Shyryvyre, piko katu she aikova rãĩmi, hareka pymaĩjyhe kyrã ikovape, pikuaa jyveshi ore ikohava me'ẽhapeva rãĩmi ikovare.

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.

1 Tesalonicenses 2:14

Shyryvyre, tũpao Judeape'õre japovare rãĩmikatĩĩ, pijapo jyve. Hai reta rãnga õmombaimba jyve Tũpa hareka ñymypenteĩmba hãndi reta Cristo Jesús, shara henta ĩrũ retaimba mbyhasa'asy jyre. Kyrã jehu jyvepe.

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

1 Pedro 3:11

tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

1 Pedro 3:13

Hãrã, mbavarapo porãmba japo pyndyrehe, potañoĩ pijapo haikavivarã?

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.