2 Corintios 7:2 - NandevaBiblia

² Piñono ore ikoa verã pyndypyape! Mbavãã porãmba japohahe, mbavapeã mymarãhãka, mba'ety mbytavyava.

2 Corintios 7:2 Iomraidhean Croise

Mateo 10:14

Hãrã pymyvãhẽseã, hareka pynyrẽndusearã, pẽhẽshi hoka oo, hareka tentamire'õĩvi, hãrã pepy pymytymoshi yvytimbokue.

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

Lucas 10:8

Opaite tenta pichevaipi hareka pymyvãhẽã kavivape, pe'uĩpokui me'ẽãpeva.

Hechos 20:33

Mapeã aipota pyhevi pymeẽshe verã ita vera tĩĩva, ita vera ijuva hareka mondeava.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 11:16

Hykuaĩ haijype: Avypo mbava hei shyrehe aikuakuamba'aiva; tẽvã kyrã pypya pimbijetarã, pyma'ẽĩhe taijetape kuakuamba'ia rãĩmi, mishĩĩ airoja katu shijehe verã jyve.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Filipenses 2:29

Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

1 Tesalonicenses 2:10

Pee pikuaa kavi hareka Tũpa jyve, marãra pirojava mbytepe yryrykove ky'ã, hekope kavi ikoha, hareka mba'ety he'iha yryrehe verã.

Filemon 1:12

Hãme rãnga ã'ẽ hykuaĩ amondojy nde, hareka airure nde rỹmyvãhe kavishu verã she shymyvãhẽva rãĩmi.

Filemon 1:17

Ãñeteĩte rĩmoña hãndia rãĩmi shyre rirojakueperã, airure nde rỹmyvãhẽ verã shymyvãhẽva rãĩmi.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.