2 Corintios 7:1 - NandevaBiblia

¹ Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

2 Corintios 7:1 Iomraidhean Croise

Mateo 12:33

Pente yvyra jypy haikavirã, ia kavipo; hãmã põrããrã, ia kaviãpo jyve shara yvyra iarei kuaaha.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Mateo 5:8

Vy'apo reta pyape kyambare, shara haire heshapo Tũpa.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

2 Corintios 1:20

Shara opaite Tũpa ĩñee meẽva hai “ẽẽ” rupii. Hãrã ñamombaishurã ja'e “Amén” Tũpa hĩmbipekue pevarã.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

Hebreos 12:28

Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.

Hebreos 4:1

Hãrã jairykyje, ĩmeterijare ñee me'ẽãva jaiche verã Tũpa putuuvaperã, mahẽ ã'ãmo pee pya mbijeta reta hipitymba verã.

Hebreos 6:9

Shyryvyre ahaihuva, kyrãte ijetahava, kuaaha kavi pee pimepeĩva tape haikavivevape, jaishu ñymondojepeva hapepe.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 1:15

Ã'ẽ pikopo heko kyambape, Tũpa rãĩmi heko kyambava pynyrẽnova.

1 Pedro 1:17

Pee pyhẽno “Sheru” Tũpaperã, mbivachekava pepenteĩ mbai japova rehe mbavapemba mbivavyva, pikoteri ko yvy'ĩãrẽrã pykyjeposhi Tũpa.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 1:9

Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.