1 Timoteo 5:3 - NandevaBiblia

³ Mbyveteshu taupe ĩme manoshi vekuare, ãñeteĩte mba'etyreva mboryshu verã.

1 Timoteo 5:3 Iomraidhean Croise

Mateo 15:6

Ĩme'ẽ kyrãĩ heivarã, katuveama mbory tuu hareka ishy. Kyrã pimbijiche Tũpa heiva pijapo verã pipykuava rãĩmi.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Lucas 2:37

tẽvã japoma 84 ãño ĩme manoshia. Õhẽmbava tũpao vi, ara hareka pyhare karumbava, ñymbo'e Tũpape õmombairã.

Lucas 7:12

Vãhẽserima jyraha tentaperã hesha rahaha pente manova ñotyã verã, ime manoshia memby kuimbai koñeĩrea. Heta haipe henta ĩrũre mi'ĩrũshu ime manoshia.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Hechos 9:41

Pedro mbyhasashu ipo mũpũã verã, haivi hẽno heko kyambare hareka ĩme manoshiare, hãrã heshaka Tabita kuerajymava.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

1 Timoteo 5:2

taupe kuakuavare ndesy rãĩmi japo, hareka kuñataĩre niindy rãĩmiporyre, niñerãmba ryheve.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.