1 Timoteo 4:2 - NandevaBiblia

² Japoposhu kuaretare hova mokue'iare hareka japuvare heiva, katuveãma ñynotivare.

1 Timoteo 4:2 Iomraidhean Croise

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

Efesios 4:19

Hama ñynotiveama ñymeẽ tykove porãmbape, japo verã opa maĩnunga kyaava pota japoivĩ.

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

Apocalipsis 16:14

Kova reta hai espiritu añare ryheva japova heshaha verã, õhẽ mbaty verã opaite yvy'ĩãrẽ'õ mburuvisha vasure Tũpa Opa ñymbaikatuva ñyrãrõ hãndi verã vãhẽma Tũpa pirĩmbivacheka jy'ararã.