1 Timoteo 3:11 - NandevaBiblia

¹¹ Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

1 Timoteo 3:11 Iomraidhean Croise

Mateo 4:1

Haivi Espiritu Santo raha Jesús yvy ikoambaipi, haipe Ãña pyahããshu verã.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

1 Timoteo 6:2

Hãrã ĩme'ẽ pyrokue'õ jyrojavarã avy tijapoã jyveshu hai heiva, shara hai jyve tyvy jyrojakuepe. Japo kaviteve rãngaposhu hai heishua, shara japova hipityva hai jyrojavare hareka ñandyryvyre haihuavare. Kova hai rỹpyrỹmboihe verã hareka mbeushu reta japo verã.

2 Timoteo 3:3

pyryraihuãpo, pyryparekoãpo, ijeta porããpohe yngavare, ijochaveãmapo reta, hetapo'ẽ jyvavarehea hapisha, ñymbyvaishopohe mbai haikavivare.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.