1 Timoteo 1:9 - NandevaBiblia

⁹ Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

1 Timoteo 1:9 Iomraidhean Croise

Mateo 10:21

Ĩmepo'ẽ tyvyre meẽva jukaha verã; terure meẽva tayre jukaha verã; tyrayre pũãpohe tuure juka verã.

Romano 1:30

ijeta porãhe yngare, heshatãã reta Tũpa, pya mbijetavape hei reta haire haikaviveva hareka kuareta retape heiñoĩjyre haire haikaviveva, nohẽñoĩ reta py'ahuva marãrapo japo reta mbai porãmba, hareka ñee henduãshu reta tuure.

Romano 4:13

Shara ñee me'ẽãshuva Abraham hareka opaite ñymoñashiare opa pytashu verãre yvyjerekue ha'ẽã, japoã Moisés mbypara vekuape'õrã, shara Tũpa heimahe heko kaviva jyrojakue rupii.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

Galatas 3:19

Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Galatas 5:18

Hãrã ko Espiritu Santo potava rãĩmi pikorã, pẽĩveama'ipe Moisés mbypara vekua heiva rãĩmi.

Galatas 5:21

pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

Galatas 5:23

jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

2 Tesalonicenses 2:8

Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.

1 Timoteo 4:7

Hãrã mbijiche ndijuhuvi ñee kuareta juru porãmba ryhevare hareka ñeereiva taupe kuakuava mbeuva; kyrãtẽ verã, ñymypyrãtakatu tykove mbijicheava Tũpa pevarãpe.

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

2 Timoteo 2:16

Avy jasakahe ñe'ẽkuerei, shara kyrã ijeta'iare porã'ãĩtevepo jyraha jyre,

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

Tito 1:10

Shara heta'ẽ ñakareĩ'iare, ĩñeengãtuvare hareka pyrỹmbytavyĩ'iare, tynondeite'ẽ potañoĩ pire chĩchĩava ryheva japoashuare.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Tito 1:6

Tũpaope miñaka'õ heko ky'ãpo, hyreko penteĩpo, tay hareka tajyre jyrojapo jyvehe Jesús, mahẽ he'iahe retakui heko porãmba hareka ñee hendumba'iare.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Hebreos 11:31

Jyrojakue rupii Rahab, heko kavimba vekua manoã hai ñee hendumbare hãndi, shara pyavapype myvãhe kavishu Israelitare ñemiãpe mondohavare.

Hebreos 12:16

Avypo mbava kyrãrãĩ'i hareka mbai jahehe Tũpape mbijicheavare. Kova japo Esaú, hai meẽhe ho'uava ña'ãporãte vekua tyray tynondeva ryheva.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.

1 Pedro 4:18

Hareka hekokaviva hasype ohojeperã, mbaivarapo ikoshi ñañarõvare hareka mbai porãmba japo'iare?

Judas 1:15

ou jahehe verã opaiteva hareka jyvarehe verã mbai porãmba japo'iare, hareka opaite Ñandeja ijeta porãmba'iheare”.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.