1 Timoteo 1:5 - NandevaBiblia

⁵ She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

1 Timoteo 1:5 Iomraidhean Croise

Mateo 12:35

Pente pya kaviva mbai haikavivai hei, shara pyape reko mbaikavi. Heko porãmba, mbai porãmbavãi hei, shara mbai porãmba imere pyapy.

Mateo 5:8

Vy'apo reta pyape kyambare, shara haire heshapo Tũpa.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

Romano 10:4

Shara Moisés mbypara vekua opahea hai Cristo, opaite jyrojaheare mbyhekoa kavi verãre.

Romano 12:9

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.

Romano 14:15

Tẽvã reuva rehe vy'ã i ndapisharã, rikoveãma jyhaihukuepe. Avy heja reuva rehe tata vasupe opakui Cristo manohe vekua.

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

1 Timoteo 1:19

reko katu ndijehe jyrojakue hareka pya kavi. Shara ĩme'ẽ mbijiche ijuhuviva pya kyamba, hãme rãnga javy hai jyrojakuepe.

1 Timoteo 3:9

Natupo reta añeteva kuaahambaa jyrojakue ryheva hareka pya kyambape.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

2 Timoteo 2:22

Syryshi porãmba kunumire japoseva hareka heka teko jyvache, jyrojakue, jyhaihukue hareka pyavapy, hãndi opaite pya kyamba ryheve Ñandeja õmombai vasu'iare.

Tito 1:15

Heko kyambava pevarã opava ky'ãshu hai, katynga heko kyava hareka rojambare pevarã mba'etyshu hai kyambava. Mbai kya vekuaĩ ñakapyre hareka pyape.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 13:18

Pimboi yryrehe. Kuaa kavi rãnga yrypya vapy kavirã, shara potate yryreko kavi opavaperã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

1 Pedro 4:8

Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.