1 Timoteo 1:2 - NandevaBiblia

² ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

1 Timoteo 1:2 Iomraidhean Croise

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Galatas 1:3

Tũpa hareka Ñandeja Jesucristo tymeẽpe pya kavi hareka tiñohẽ pyndyrehe pyavapykue.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

1 Timoteo 1:18

Nde Timoteo, shyray, aheja nde kova rijapo verã iko verã he'ia ndyrehe vekua rãĩmi Tũpa heepe, hekope kavi rĩrãrõhe verã, rirojakuepe hareka pya kyamba ryheve,

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Tito 2:2

Kuakuavare mbai hekopeñoĩpo japo reta, japo kavipohe yngavare hareka ñakavapy verã, tanta jyrojava, jyhaihukuepy hareka jepyhe verã jyhasa'asy.

Tito 3:15

Opaiteva ẽẽ shendievare nymarãndu. Mymarãnduka jyve ore yryraihuvare jyrojakuepe. Tũpa tymaĩkavi pyndyrehe. Amén.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

2 Juan 1:3

Tũpa Teru hareka Tyray Ñandeja Jesucristo, maĩkavipo pyndyryhe, hareka meẽpope jyparekokue hareka pyavapy, añetevape hareka jyhaihukuepy.

3 Juan 1:4

She pevarã mba'ety kovaivi shymbyvyaveva, ahendu shyrayre vata kavi reta añetevaperã.

Judas 1:2

Tymyvãhẽ heta jyparekokue, pyavapy hareka jyhaihukue.