1 Pedro 5:1 - NandevaBiblia

¹ Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Pedro 5:1 Iomraidhean Croise

Lucas 24:48

Pee rãnga hai pyheshava kova.

Hechos 1:22

Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 11:30

Kyrã japo retarã, Bernabé hareka Saulo rupii rahaka reta Tũpape me'ẽãva, kuakuavare Judeape'õre pevarã.

Hechos 14:23

Ñono jyve reta pepenteĩ kuakuavare ñyngareko verãre tũpaope, haivi opa jurure hareka karumbape ñynoirã hejashu reta Ñandeja ipope, haire jyroja jyvehe.

Hechos 15:4

Vãhẽmã jyraha Jerusalenperã, Apostolre hãrã kuakuava tũpaope'õre hareka Tũpa hope ñymboivare myvãhẽ kavi reta. Haipe Pablo hareka Bernabé mbeu kavishu reta opaite Tũpa japova haire rupii.

Hechos 15:6

Hãrã ñymbaty reta Apostol hareka tũpao mĩnãkã'iare, kuaa verãre kova, mbaivara Ñanderu Tũpa pota.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 20:17

Miletope imeteri'ẽrã, Pablo hẽnoka tũpaope miñaka'õre, Éfesope'õre ijeta hãndi verã.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 21:18

Parejyrã, Pablo oho jyve orẽndie Jacobo ohoa pohyashurã. Vahẽãmarã, opa ou jyve haipe tũpaope miñaka'õre.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

2 Corintios 5:8

Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.

Filipenses 1:19

Hãma aikuaa pimboi shyreherãmeĩ hareka Jesucristo Espiritu shymbory rupii yrẽãmipo ãhẽkui ko shymbyperesohavaivi.

1 Timoteo 5:1

Avy ñyngãtashu kuimbai kuakuamava, nderu rãĩmipo rỹmbarakuaa, hareka kunumire ndyryvyre rãĩmiporyre;

1 Timoteo 5:19

Avy rojande Jesucristo tũpaope miñaka'ia he'iaheva, mba'ety mokue maĩrã mbahapy heshavarã.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Tito 1:5

Hokava rehe aryreja Cretape, opa rỹmyhenda kavi hareka ryhekapyrã hareka rĩñono verã tũpaope miñaka'õ tentare ẽvãipi, she haindeva rãĩmi.

Filemon 1:9

aipotaĩ airure nde jyhaihukue heepe. She, Pablo, akuakuama hareka ã'ẽ shymbyperesohavape ãĩme'ãĩ Cristo Jesús rehe,

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

2 Juan 1:1

She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,

3 Juan 1:1

She Juan, akuakuamava ambyparashu kova kuatia, shyryvy Gayo añete ahaihuva.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.