1 Pedro 4:8 - NandevaBiblia

⁸ Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.

1 Pedro 4:8 Iomraidhean Croise

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

1 Corintios 13:4

Pyryhaihuva hasa'asyñoĩ, pyakavi, mbai potaraiã, jyrojaã ijehe hareka potãã ha'epaite.

Colosenses 3:14

Tynonde, piñimimonde jyhaihukuepe, mbai pyrỹmypente kavivape.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

Hebreos 13:1

Avy pypoi pijyhaihu shyryvyre.

Santiago 5:12

Tẽvã kova ĩãrẽ, shyryvyre avy pymeẽ piniñee vate arare, yvype maĩrã yngava maĩnungare; hãrã “ẽẽ” pererã haimaĩpo; hareka “mba'ety” pererã mba'etymaĩpo, potãã pinimbivachearã.

Santiago 5:20

pynymanduahe kova: Ĩme'ẽ mbai porãmba japo'ia poi mbijapokavarã, mondojepepokui ñymanoivi hareka hetapo hejahareiishi mbai porãmba vekua.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

3 Juan 1:2

Shyryvy ahaihuva, airureshu Tũpa opa mbai rijapova tõhẽkavi nde hareka mambaimbari verã, ndyrykovepe ohokavi'ihea rãĩmi,