1 Pedro 4:16 - NandevaBiblia

¹⁶ Tẽvã hasa'asy Cristo jyrojaherã rehe, avypo mymarã; koñeĩ typyraheshu Tũpa kova rehe.

1 Pedro 4:16 Iomraidhean Croise

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 26:28

Agripa heishu: Ajejeteima rijapo shyhevi Cristo ryheva.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

Santiago 2:7

Ha'ẽara kuepi ijeta porãmba jyrehevare tyree kaviva Jesucristo pirojaheva?

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

1 Pedro 4:19

Kyrã opaite hasa'asyvare Tũpa potava rãĩmi, tiñymeẽ jyrojape Tũpa japo vekua ipope hareka tijapo haikaviva.