1 Pedro 4:10 - NandevaBiblia

¹⁰ Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.

1 Pedro 4:10 Iomraidhean Croise

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 24:21

Hãma hetapo iko jyhasa'asy, hasa'asymbateria rãĩmi ko yvy oñepyrõrãvãĩ, hareka ko rãĩmiva jyhasa'asy maipivẽamapo jehukui.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 25:17

Kyrãi jyve ĩrũ 2 mil ĩmere vekua, 20 mimoñajy kyrypoti.

Mateo 25:44

Haipe haire heiposhu: “Yreja, mbaipera ore ndyreshaha nymbahyrã, ndu'uherã, maĩrã mbyryvanderã, nynanirã, ñymbai rasyrã, nymbyperesoavape, hareka nymboryhambava?”

Marcos 10:45

Shara Kuareta Tay oũã pyrokue'i verã, koñeĩ jokueha verã rãnga hareka meẽ verã hykove, hetavape mondojepe verã mbai porãmbaivi.

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Lucas 19:13

Hãrã ohoserimarã, hẽno 10 jokuehareirea hareka meẽshu 10 kyrypoti, mymba'apoka verã, hãrã heishu: “Pymymba'apokakui kova kyrypoti aijypeve”.

Lucas 8:3

Oho jyve Juana, Chuza hyreko, Herodes jy kyrypoti ñyngareko ihea; hareka Susana, hãndi heta yngare mboryva imẽreare ryheve.

Romano 15:25

Tẽvã ã'ẽ ahapo Jerusalenpe, amboryshu verã ñandyryvyre heko kyambare.

Romano 15:27

Haikavishu reta ha'ire japo verãrã, japo kavi reta, ajemaĩ hai jyve japoñoĩ verãre. Shara kyrã Judio jyrojavare mbijajao jyveshu espiritu ryheva haire hipityva haimba Judiovare, myvãhẽ jyve reta mbai haikaviva espiritupe, kyrã ẽñoĩjyvepe pymbory verã ñandyryvyre maĩnungape.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 3:10

Tũpa pya kavirã shypyhyrõ ãñono verã oo jypyrã. Hãma ĩme'ẽ oo mupũãheva, tẽvã pepenteĩpo ñyngarekokavihe marãra mupũã,

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

2 Corintios 9:1

Kova pymbatyva hai ñandyryvy jyrojavare pevarã, katuãny hykuaĩ ambyparajype kuatiape.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.