1 Pedro 3:8 - NandevaBiblia

⁸ Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Pedro 3:8 Iomraidhean Croise

Mateo 18:33

Hãma nde ryparekotẽ verã jyve ndapisha, she aryparekova rãĩmi.

Lucas 10:33

Tẽvã pente kuimbai Samariape'õ oho jyve hoka pehupi, hãrã hesharã parekoshu.

Hechos 2:1

Vãhẽma arete Pentekoste he'iashuarã, opaite jyrojavare penteapeĩ ñymbaty reta.

Hechos 27:3

Parejyrã vãhẽhã ohoha tenta Sidonpe varko ñymbo'yseape. Julio ñyngareko kavihe Pablo hareka ma'ẽĩhe oho marãndu kuavare hoka tentape'ẽvã, haire mboryshu verã opa mbai ikotẽvẽape.

Hechos 28:7

Haipe Maltape'õre mbytepe iko jyve pente mburuvisha Publio he'iashua hai tivishare jy'yvy. Hai yrymyvãhẽkavi hentape, hareka mbahapy ara ñyngareko yryrehe.

Hechos 4:32

Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

Romano 15:5

Tũpa meẽva ñyhãrõ hareka pya kaviva, pynymbory pepenteĩ piko kavi ijupii verã, Cristo Jesús iko vekua rãĩmi,

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

1 Corintios 12:26

Pente hai ryheva hasa'asy'ẽrã, opaiteva yngavare hasa'asy jyve. Penteva ñandyrete ryheva ñyngarekoha kaviherã, opaite ĩrũre vya hãndi.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Efesios 4:31

Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

Efesios 4:32

Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Filipenses 3:16

Tẽvã ñande hokava japitykavivare, pente ñeepeĩpo jaiko hareka penteva pyapeĩ.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Hebreos 13:1

Avy pypoi pijyhaihu shyryvyre.

Santiago 2:13

Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.