1 Pedro 3:4 - NandevaBiblia

⁴ Katynga pymymashyãpo pyndypya ñemiãpe'õ mbai haikaviva ñymbaimba, espiritu pyryhaihuva hareka pyavapyva ryheva, hokava rãnga haikavi Tũpa hỹnonde.

1 Pedro 3:4 Iomraidhean Croise

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

Mateo 23:26

Pyhendu fariseore heshamba kũvãĩpiare: Joherãnipy yy ho'uapya hareka y'a, hãrã ky'ãpo jyve kupere.

Mateo 5:5

Vy'apo reta jyrojamba ijehevare, me'ẽãposhu yvy Tũpa meẽ verã haire ña'ãporã.

Lucas 11:40

Tykove mbaimba kuaava! Pikuãra ĩãrẽ japova, japojy hapyperãme?

Lucas 16:15

Hãrã Jesús heishu reta: Pee rãnga pere pindijehe heko kaviva kuaretare hỹnonde, tẽvã Tũpa kuaa'ẽ pyndypya; hareka kuimbaire mbytepe mbai vasuva rãĩmi rekohava, hokava hai mbai porãmba'eiteve vekua Tũpa hỹnonde.

Romano 1:23

hareka ynga ñonojy reta Tũpa jyhaihu hendakuepe, õmombaitẽ verãre Tũpa ikova opa ara, haire õmombai tarã'ãnga kuimbai manova ryheva hã'anga; vyrare, mymba urũndy ipyreva hareka mymba pitiareĩ vatavare.

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 7:22

Shara shypyape mbyhory ñee mbyparahava japoha verã Tũpa ryheva.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 4:16

Hãme rãnga ñymate'ỹhããhe, ajemaĩ kova yryrete tuja oho'i, tẽvã yrykove opa ara ñymbypy'ahuve oho Jesús rupii.

Galatas 5:23

jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Colosenses 3:3

Pee rãnga pymanomatẽ arykai piko vekua rãĩmĩ, hareka ã'ẽ tykove py'ahu pyrekova Cristo hãndi, natu'ẽpe Tũpa pee pevarã.

1 Tesalonicenses 4:11

Peñehãã piko kavi hareka pijapo peii pijapo verã, pymba'apova rupii, jurureapeva rãĩmi.

2 Tesalonicenses 3:12

Hokava retape mondoha hareka he'ihashu Ñandeja Jesucristo heepe tymba'apove reta vãhẽshu verãre hou verã.

1 Timoteo 2:2

tirurehahe opaite huvisharã'õre hareka opaite mbai miñaka'õre, jaiko verã pya vapype hareka ñyrãrõmbape, tykove mbijicheavape Tũpa pevarã hareka ñee ñahendushu Tũpa.

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Pedro 3:15

koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã.