2 Heshama pyndyreko kavirã hareka pymbyveteshurã.
Tẽvã pee jyve, hykuaĩ haijype pepenteĩ haihu verã hyreko hai ijyhaihuva rãĩmi.
Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.
Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.
Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.
Jokuehareare, opa mba'epe piniñeerẽndushu pokue'õ ko yvy'ĩãrẽ'õre, ha'ẽã maĩ'ẽ pyreherãmeĩ pymba'apo verã pota pẽĩ kavi hãndirãmeĩ. Haikavivepo pyakavipe pijapo hareka Ñandeja pykyjeshiape.
Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.
Ã'ẽ pikopo heko kyambape, Tũpa rãĩmi heko kyambava pynyrẽnova.
Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.
Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.
Avy yngavare hesha veraĩ piñymymashyã, opaisharei ijakatuva, ita vera mashyãvapy maĩrã mondeava hehepyva.
Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?
