1 Pedro 3:11 - NandevaBiblia

¹¹ tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

1 Pedro 3:11 Iomraidhean Croise

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 5:9

Vy'apo reta õñehãã pirĩmbi'iko kaviva, haire he'iaposhu: “Tũpa tayre”.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Marcos 14:7

Pavetevare ĩmeñoĩpo pynymbyteipi, hãrã potama haikaviva pijapoherã pijapopohe reta, tẽvã she opa arããpo aiko pynymbyteipi.

Lucas 1:79

Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Lucas 6:9

Haipe Jesús heishu ĩrũre: Apyrãndupo pee pente mbai: Mbaivara katu jajapo putu'uava jy'arape: Haikaviva? Maĩrã porãmbavara? Ñapyrỹmynguera? Maĩrã japuruka?

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Romano 12:18

Katura piñyhãã piko kavi hãndi opavare.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 7:19

Shara mbai haikaviva potatẽ ajapova, ajapoã, koñeĩ porãmbava potamba ajapovaĩ, ajapojy.

Romano 7:21

Hãrã kyrã ahesha kova ñee mbyparahava, potamatẽ ajapo mbai haikavivarã, mbai porãmba vekuaĩ ahesha shypyape.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

Santiago 4:17

Ĩme'ẽ mbai haikaviva katutẽ japova, japoarã, mbai porãmbama japo'ẽ.

1 Pedro 3:12

Shara Ñandeja hesare ñono'ẽhe hekopekavi'ia hareka japysare hendu jurureshurã, tẽvã Ñandeja ñymbyvaishohe porãmba japo'iare”.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.