1 Pedro 2:1 - NandevaBiblia

¹ Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Pedro 2:1 Iomraidhean Croise

Mateo 15:7

Hova mokue'iare! Heikavi pyndyrehe Tũpa ĩñee mbeu'ia Isaias, heirã:

Mateo 23:28

Kyrãĩ jyve pee, pyndyreko kaviva rãĩmi heshaha pyrehe katuaivi kuaretare hỹnonde tẽvã pyndypyape tynyhẽ papishatamba hareka piniñarõkuevi.

Mateo 24:51

jokue'õ ñũpa pohyposhu hareka mondopo hova mokue'iare ẽvãpe. Hãrã haipepo jaheo hareka hãĩ mbupurupo'i.

Mateo 7:5

Hova mokue'ia! Hekyrãni yvyra marẽyva ndyresape'õ ryheshakavi verã, hãrãpo ryhekyshi yvyra ku'i ndyryvy hesape'õ.

Marcos 12:15

Tẽvã Jesús kuaa potai kyrã jyrerã heishu: Marã'ĩrãra aapy verã piñonopẽĩ she? Perushe pente nikere tamaĩhe.

Lucas 11:44

Tengapope Moisés mbypara vekua pyrỹmboi'iheare hareka fariseore, hova mokue'iare! Pyndy'ova manova ñotyhã vekua heshahambava, kuaretare kuããrã hasañynoĩ'ĩãrẽ.

Lucas 12:1

Haipe kuareta hetava ñymbatyjy, pypỹrõ vasĩ ijehe. Hãma Jesús õñepyrõ ijetashu mboireare: Pĩngareko pijeheshi fariseore imereva harina mby'ouka, hova mokueva ryheva.

Lucas 6:42

Mãrãrapo rereshu ndyryvy: “Shyryvy, tanohẽ ndyhevi yvyra ku'i ndyresape'õ”, nde jyve ryheshambarẽiva yvyra mãrẽỹva ndyresape'õ? Tykove hova mokue'ia! Nohẽ rãni yvyra mãrẽỹva ndy resapy õ, haiperã katu ryhesha kavi rynohẽ verã yvyra ku'i ndy ryvy hesape õ.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 5:8

Hãrã ñamby'aretepo Pascua, pãhã mby'ouka mbihi'ahamba rãĩmi, he'ise poshymbape hareka añetevape. Avy ñamby'arete pãhã mby'ouka tuja vekua ryheve, he'iseva poshy hareka ñandykya ryheve.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Efesios 4:31

Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

1 Tesalonicenses 2:3

Shara ore mbe'uharã añetevaĩ mbe'uhape, javyhambape, haimbajy porãmbape mbai japohava, hareka mbavapembaa pota mbytavyhava.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

Santiago 5:9

Shyryvyre, avy pypya jyrova ijuhuvi, pinimbijicheamba verã. Pymaĩ, pirĩmbijiche'ia õchepema'ẽ.

1 Pedro 2:16

Piko kuareta mbaimbaa jocha'õ rãĩmi, tẽvã hoka rehe avy pijapojy mbai porãmba. Piko Tũpa jokuereva rãĩmi.

1 Pedro 2:22

Hai japoã mbai porãmba, hareka mbavapeã mbytavy.

1 Pedro 3:10

shara: “Hykove pota haihuva hareka ara kavi pota heshava, avy tijeta porããhe yngava hareka avy añetembava tymbeu,

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Pedro 4:4

Ã'ẽ, pikoveãma hãndi reta heko porãmbaperã, haire porãã hesha reta, hãrã ijeta porãã pyndyrehe.

Apocalipsis 14:5

Hareka jurupe vãhẽhããshu japu shara haire ky'ããmba Tũpa jyvapyka hỹnonde.