1 Pedro 1:7 - NandevaBiblia

⁷ Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Pedro 1:7 Iomraidhean Croise

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Lucas 17:30

Kyrã katĩĩpo jehujykui Kuareta Tay ijeshakamarã.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 5:44

Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Hechos 8:20

Pedro heishu: Ndykyrypoti ryheve tijahea ndyrehekui! Shara ndypya kyrã rimbijetahe Tũpa kyrypotipy ovaha verã.

Romano 2:10

Hãma haikaviva japoñoĩ'iare, Tũpa meẽposhukui tenda haikaviva, mbyvetehapo hareka pyavapy, tynondepo Judiore hareka jyve haimba Judiore.

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Pedro 2:4

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

1 Pedro 4:12

Shyryvyre, avy pyndysapya tata pynyhã'ãhapyva, mbai jehupeva rãĩmi pyhãrõmbavape.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.