1 Pedro 1:12 - NandevaBiblia

¹² Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 1:12 Iomraidhean Croise

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Lucas 2:26

Espiritu Santo kuaakashu manombateri verã Cristo Ñandeja ndeiteri hesharã.

Lucas 9:6

Haivi õhẽ retarã jyraha tentamirehupi, mbeu Ñee haikaviva hareka opa rupi pyrỹmynguera reta.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Hechos 10:44

Haipe Pedro ijetateri'ẽ vẽkua, mondii vejyhe reta Espiritu Santo opaite Pedro mbeuva hẽndu'ẽvãre.

Hechos 16:10

Haivi Pablo heshama hesape'orã, opa ravẽi õĩã kavi ohoha verã Macedoniape, shara kuaaha kavi Tũpa ỹrỹrẽno haipe ohoa mbe'ua verã Ñee kavivarã.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Hechos 4:8

Pedro tynyhe Espiritu Santoivirã heishu reta: Mburuvishare Israelpe'õre,

Hechos 8:25

Haivi poima ñimiñee hareka mbeu Tũpa ĩñeerã, apostolre mbe'uĩ raha reta ñee jahajepeva ryheva opaite tenta Samariape, haivi jyverujy Jerusalenpe.

Romano 1:15

Hãme rãnga shykyrẽ'yĩte aha ambeu jyvepe Ñee Kaviva Romapepeĩva.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

1 Corintios 2:10

Tũpa rãnga kova ñanymbykuaaka Espiritu Santo rupii, shara Espiritu Tũpa pyape'õ javai'õ retave opa kuaa.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

Galatas 1:16

Heshakashe Tay ambeu verã ĩñee haimba Judiore pãũpi. Hokava ikorã, mbava kuaretãã aha airureshu shymbarakuaa verã,

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 11:13

Opaite hokava kuaretare jyrojakue rupii ikovare opa mano hipitymbava Tũpa mbeu vekua, katynga mbyryivi hesha reta hareka kuamondo reta haire ouiva ko yvy'ĩãrẽ mbyryivi ouva rãĩmi.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

Hebreos 4:2

Shara mbe'uha jyve ñande Ñee Kaviva, haire rãĩmi; tẽvã haire hendu vekua mba'ẽãshu reta, shara ñee hendu vekuare, jyrojakue ĩmerevare mi'ĩrũãshu japo vekuare.

1 Pedro 1:25

Tẽvã Ñandeja ĩñee hai opa ara pevarã, hãrã kova hai ñee py'ahu mbe'uhapeva.

1 Pedro 4:6

Mano vekua retape rãnga mbe'uha jyve Ñee Kaviva, ajemaĩ ẽẽteshu manoñoĩ verã opaiteva kuaretare rãĩmi, ã'ẽ ikopo reta opa ara Tũpa handi jy'espiritupy.

Apocalipsis 5:11

Haivi ahendu Tũpa jokuevare ĩñee hetava vapyhasepya juri, hykove'ia reta hareka kuakuavare,