1 Juan 5:7 - NandevaBiblia

⁷ Mbahapy rãnga'ẽ kuaakava kova mbai vate arape: Teru, Ñee hareka Espiritu Santo; hareka kova mbahapy'õre hai pentevãĩ.

1 Juan 5:7 Iomraidhean Croise

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 18:16

Hãrã nyrẽndusearã katu rỹhẽno pente o mokue hendu verã, katu mapo “opaite he'iava ñonoã kavipo, mokue hareka mbahapy'õ hyvache”, heiva rãĩmi Tũpa ĩñee.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 10:30

Teru hareka She, penteĩ'õĩhã.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 5:26

Shara Tuu ĩmere ijehe tykove, kyrãĩ jyve Tay, meẽshu tykove hai reko ijehe verã.

Juan 8:18

Hãme rãnga she hai mbai heshava she pevarã, hareka Sheru shymbou vekua jyve ĩrũ mbai heshava she pevarã.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

2 Corintios 13:14

Ñandeja Jesucristo tymaĩkavi pyndyrehe. Tũpa jyhaihukue hareka Espiritu Santo tiko penendie.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.

1 Juan 5:8

Espiritu, yy hareka tuvy, kova mbahapy'õre penteva ñeepẽĩ ñynoĩ.

Apocalipsis 19:13

Haivi ñimimondepy mondeava turuvykuetei vekua, hareka hee: “Tũpa Ĩñee”.