1 Juan 5:20 - NandevaBiblia

²⁰ Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Juan 5:20 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Lucas 24:45

Hãma peajyshu reta pyare kuaa verãre mbyparaha vekua,

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 10:30

Teru hareka She, penteĩ'õĩhã.

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 15:4

Pẽĩkatu shyrehe, hãrã she'ãĩpo jyve pyndyrehe. Shara uva hãkãkuereii katuãpo ia jypyre ẽ'ẽãrã; kyrã jyvepe peĩã shyreherã katuãpo mbai pijapo.

Juan 17:14

She rãnga ambeushu reta niñee, hãrã kuareta yvy'ĩãrẽ'õ jyrojamba ndyrehevare mymorãã reta, shara haire ha'ẽã ko yvy'ĩãrẽ'õre, she rãĩmi ha'ẽã jyve reta ko yvy'ĩãrẽ'õ.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 20:28

Haipe Tomas hei: Sheja, hareka shu Tũpa!

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Efesios 3:18

Hãmerãpo pikua handikui opaite tenta kyamba Tũpa ryhevare, Cristo jyhaihukue, pukukue, tivishakue, vatekue hãndi kypekue,

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 1:8

Tẽvã Tay rehe hei: Tũpa, huvisharã rẽĩvape hai opa arapeva hareka hekope kavipo huvisharãrẽĩkui.

1 Juan 2:23

Opaite ñomireva Tyray mba'etyre Teru; hãrã ĩme'ẽ myvãhẽva Tyrayrã, myvãhẽ jyve Teru.

1 Juan 2:24

Hãme rãnga avy poi pijapo aryka'e pynymbo'eahe vekua. Pijapoñoĩ peho pynymbo'eahearã, pẽĩñoĩpo hãndikui Tyray hareka Teru.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

1 Juan 4:16

Ñande jaikuaa hareka jaroja Tũpa ñandyraihuva, shara Tũpa hai jyhaihu añeteva, hareka Tũpa jyhaihukue pyape ĩmereva, Tũpa iko jyvepy.

1 Juan 4:2

Kyrãpo pikuaakui haira Tũpa ijespiritu; opaite kuareta heiva Jesucristo ouva kuareta rãĩmi ko yvy'ĩãrẽ, hokava hai Tũpaivi ouva.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

1 Juan 5:15

Hareka jaikuava rãĩmi Tũpa ñanyrẽndu jairureshurã, hãrã jaikuaajy ĩmemajareva jairureshuva.

1 Juan 5:18

Jaikuaa rãnga Tũpa tayre, japoveãma mbai porãmba, shara Tũpa Tay ñyngarekohe, hãrã Ãña katuveãma pokohe reta.

1 Juan 5:5

Opaite rojava Jesús haiva Tũpa Tay, jepyhe ko yvy'ĩãrẽ'õ.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 6:10

Hãrã hỹnatu sapuke reta: Sheja heko kyamba hareka añeteva, mbaiperapo rĩmbivache hareka rỹmyngoviashu reta irijuka'i vekuare yvy ĩãrẽ ikovare?