1 Juan 5:1 - NandevaBiblia

¹ Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

1 Juan 5:1 Iomraidhean Croise

Mateo 16:16

Simón Pedro heishu: Nde hai Cristo, Tũpa tay hykove'ia.

Lucas 7:5

haihu rãnga ñanyrẽta, hareka haiteiva japoka ore Judiore ñymbatyseape.

Juan 1:3

Hai rupii opava maĩnunga japoha, hãrã mba'ety hai rupimba japohava.

Juan 15:23

Hãrã shyreshatamba'iare, Sheruave heshatãã jyve.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Hechos 8:37

Felipe heishu: Ãñete ndypyaivive ryrojarã, katupo rijapo. Haipe Eunuco heishu: Aroja rãnga Jesús haiva Tũpa tay.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

1 Juan 2:10

Tyvy haihuva pyrãta'ẽ sapeva mykõĩ ẽvãpe, hareka pyryhaihuva o'ãã hai mbai porãmbape.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

1 Juan 3:17

Ĩme'ẽ ikokatuva hesha tyvy mbai mba'etyrearã, mba'ẽã meẽshurã, marãrapo Tũpa jyhaihukue ẽẽ pyape?

1 Juan 3:9

Opaite Tũpa tayre japoveama mbai porãmba, shara Tũpa heko'ẽpy, hãrã katuveãma japo mbai porãmba, shara haima Tũpa tayre.

1 Juan 4:2

Kyrãpo pikuaakui haira Tũpa ijespiritu; opaite kuareta heiva Jesucristo ouva kuareta rãĩmi ko yvy'ĩãrẽ, hokava hai Tũpaivi ouva.

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

1 Juan 4:7

Shyryvy ahaihuvare, jaijyhaihupaveĩ rãngapo, shara jyhaihu ou Tũpaivi. Opaite pyryhaihuva rãnga hai Tũpa tay hareka Tũpa kuaashu.

1 Juan 5:18

Jaikuaa rãnga Tũpa tayre, japoveãma mbai porãmba, shara Tũpa Tay ñyngarekohe, hãrã Ãña katuveãma pokohe reta.

1 Juan 5:4

Shara opaite Tũpa tayva, jepymahe porãmba ko yvy'ĩãrẽ. Jairoja rupii opa jajepyhe porãmba vekua.

1 Juan 5:5

Opaite rojava Jesús haiva Tũpa Tay, jepyhe ko yvy'ĩãrẽ'õ.