1 Juan 3:5 - NandevaBiblia

⁵ Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

1 Juan 3:5 Iomraidhean Croise

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Lucas 23:41

Ñande rãnga hekope kavi jahasa'asyñaĩ, shara mbai porãmbava jajapo ñande; tẽvã ko kuimbai japoã hai mbai porãmba.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 1:31

She aikuaa kaviã jyve mbavara, tẽvã she ai apyrỹmyngarai yype israelitavare kuaa verã mbavara hai.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 8:46

Mbavara pynymbytepe heshakaposhe mbai porãmba ĩme'areva? Añeteva hai peerã, marã'ĩrãra shyrojããpi?

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Pedro 1:18

Tũpa rãnga pindijorashi pikoreii pẽĩ vekuape pynytynondevare hejape vekuape. Hãrã pee pikuaa kavi, hokava mbyhepyhava ha'ẽã mbyhepyhapya opa ñymbaivapy, ita vera ijuva maĩrã plata rãĩmiva,

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

1 Pedro 2:22

Hai japoã mbai porãmba, hareka mbavapeã mbytavy.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Juan 1:2

Tykove ijeshaka hareka ore heshaha, hai mbe'uha jyvepe tykove opambava ryheva Tuu ẽẽ hãndiva hareka ijeshaka ore vekua.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,