1 Juan 3:21 - NandevaBiblia

²¹ Shyryvy ahaihuvare, ñandypyapy'õ ñaniñono kavi'ẽrã, jairojañaĩhe Tũpa.

1 Juan 3:21 Iomraidhean Croise

Romano 14:22

Hokava jyrojakue ĩmeryreva, natu nde pevarãĩ Tũpa hỹnonde. Vy'apo hokava mbai haikavi japova mbaivamba jochavape hareka japova rehe porãmba'ẽ verã.

1 Corintios 4:4

Aikuããny ajapora porãmbava, hokava he'iseã mbaimba ĩme'areva. Tẽvã koñeĩ'ẽ Teja katu mãĩ shyreheva.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

1 Timoteo 2:8

Hãme rãnga aipota kuimbaire oparupi timbo'e tuhupi ipo kyambava, poshymbape maĩrã yngavare ijakamba hãndiape.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 4:16

Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

1 Juan 2:7

Shyryvy ahaihuvare, kova ñeẽ japoha verã ambyparapeva ha'ẽã py'ahuva, jypyiterãvãĩ ĩmemapyre vekua rãngajy.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

1 Juan 3:20

Ajemapo ñandypyape'õ porãã ñaniñono, tẽvã Tũpa jyparekokue tivishaveshi ñandypyape'õ, hãrã hai opa kuaa ñandypyape.

1 Juan 4:17

Kyrãrãpo jyhaihu jykuaakavi ñandyrehekui, jakyjeveama verã pirĩmbivacheava jy'arape, shara Jesucristo iko vekua rãĩmi jaiko ko yvy'ĩãrẽ.

1 Juan 5:14

Ore jyrojahahe Tũpa, shara jaikuaa hai potava rãĩmi jairureshurã, hai ñanyrẽndu.