1 Juan 3:20 - NandevaBiblia

²⁰ Ajemapo ñandypyape'õ porãã ñaniñono, tẽvã Tũpa jyparekokue tivishaveshi ñandypyape'õ, hãrã hai opa kuaa ñandypyape.

1 Juan 3:20 Iomraidhean Croise

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Juan 8:9

Henduma reta kovarã, pepenteĩ õñepyrõ ohojy, tynonde kuakuaitevevare opajy oho. Hãrã Jesús hã'ẽĩ ĩme hãndi haipe taupe.

Hechos 5:33

Haire kova hendumarã poshyitevejy reta, hãrã pota jukajyre reta.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

1 Corintios 4:4

Aikuããny ajapora porãmbava, hokava he'iseã mbaimba ĩme'areva. Tẽvã koñeĩ'ẽ Teja katu mãĩ shyreheva.

Tito 3:11

Rikuamapo hokava kuareta javyva hareka mbai porãmba japoma hareka hai pyape mbijetavaĩ jyvarehe.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

Hebreos 6:13

Tũpa ĩñee Abraham meẽshurã, icheheimba ĩñee meẽ, shara mba'etymba vateve'ẽshiva ĩñee meẽshu verã.

1 Juan 3:19

Kyrãvape ñande jaikuaa añeteĩtevape ñaĩrã, hãrã kyrãrãpo ñandypyavapyñaĩ Tũpa hỹnonde.

1 Juan 3:21

Shyryvy ahaihuvare, ñandypyapy'õ ñaniñono kavi'ẽrã, jairojañaĩhe Tũpa.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.