1 Juan 3:2 - NandevaBiblia

² Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

1 Juan 3:2 Iomraidhean Croise

Mateo 5:8

Vy'apo reta pyape kyambare, shara haire heshapo Tũpa.

Lucas 17:30

Kyrã katĩĩpo jehujykui Kuareta Tay ijeshakamarã.

Lucas 20:36

shara hykove japyvẽãmapo, Tũpa jokuevare rãĩmimapo hareka Tũpa tay hareka tajy rãĩmimapo, shara Tũpa opa mynguerajyshu reta.

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Romano 8:16

Hãrã Espiritu kuaaka ñande ñandypyape ñande haimava Tũpa tayre.

Romano 8:18

Kyrã, jyhasa'asy ã'ẽ jahasava mba'ẽã, ñambivachehe hĩmbipeva Tũpa heshaka ñande verãrã.

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

1 Corintios 13:12

Ã'ẽ jaheshakaviãteri, sypeva jykua kavimbapya rãĩmi jykuaakaviã; katy pente arape jaheshakavipokui. Ã'ẽ aikuakaviãteri, tẽvã pente arape aikuaa kavipokui Tũpa, hai opakavi shykuava rãĩmi.

1 Corintios 15:49

Kyrã ñande ñandy'ova kuimbai yvyivi japoha vekua, kyrãpo ñandy'ova jyvekui hokava kuimbai vate arape'õ.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Galatas 3:26

shara pirojaivivehe Jesucristo, iko pyndyhevi Tũpa tay.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

1 Juan 2:7

Shyryvy ahaihuvare, kova ñeẽ japoha verã ambyparapeva ha'ẽã py'ahuva, jypyiterãvãĩ ĩmemapyre vekua rãngajy.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.

1 Juan 3:21

Shyryvy ahaihuvare, ñandypyapy'õ ñaniñono kavi'ẽrã, jairojañaĩhe Tũpa.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

Apocalipsis 2:28

Ameẽposhu reta jasytata kõĩ ourã õhẽva.

Apocalipsis 22:4

Hareka Tũpa hova opaitevapo hesha, heere syvarepo mbyparaha.