1 Juan 3:13 - NandevaBiblia

¹³ Shyryvyre, avy hãĩrã pyheshava rãĩmipi kuaretare ko yvy ĩãrẽ'õre pyndyreshatããrã.

1 Juan 3:13 Iomraidhean Croise

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Lucas 21:17

Opaite yvy jerekueipi pyndyreshatããpo shimimboiperã rehe.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 17:14

She rãnga ambeushu reta niñee, hãrã kuareta yvy'ĩãrẽ'õ jyrojamba ndyrehevare mymorãã reta, shara haire ha'ẽã ko yvy'ĩãrẽ'õre, she rãĩmi ha'ẽã jyve reta ko yvy'ĩãrẽ'õ.

Juan 3:7

Avy kyje kyrã hainderã: “Rea py'ahujyñoĩpo”.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

Hechos 3:12

Pedro hesha kovarã heishu reta: Marã'ĩrãra pee Israelitare, mbyry pymaĩhe ko ikovare? Marã'ĩrãra pymãĩpi yryrehe, ore mynguerahava rãĩmi kova kuimbai maĩrã ore mbyvatahajya rãĩmi ỹrỹmbaikatu hareka yryrykove mbijicheava Tũpa pevarã rupii?

Romano 8:7

Hãma hete potavaĩ japo'ia, iko ñymbyvaishohe Tũpa; shara japoã Tũpa ryheva ñee mbyparahava, ajemaĩ potatẽã ẽãshu japo verã.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

Apocalipsis 17:7

Haipe Tũpa jokueva heishe: Marã'ĩrãra mbyry rỹmaĩ? Ãmbeuponde mbaivara he'ise ko jaikuambava ryheshava, haiponde mbavara ko taupe, hareka mbavara hai mymba ñarõva 7 ñaka'ia hareka 10 ijuu'ia opo veruhea.