1 Juan 2:3 - NandevaBiblia

³ Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

1 Juan 2:3 Iomraidhean Croise

Lucas 6:46

Marã'irãra pereshe, “Sheja, Sheja”, hareka pijapoã she hai peeva?

Juan 14:15

Shyraihupirã, pynatupo she haipeva.

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 15:14

Pee rãnga hai shi'ĩrũre, pijapo she hai peevarã.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

1 Juan 2:13

Ambyparape terure, shara pikuaama jypyiterãvãĩ ẽẽ vekua. Kunumire ambyparape kova, shara pijepymahe mbaiposhy.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

1 Juan 3:19

Kyrãvape ñande jaikuaa añeteĩtevape ñaĩrã, hãrã kyrãrãpo ñandypyavapyñaĩ Tũpa hỹnonde.

1 Juan 3:6

Hãrã ñymypente hãndiva japoveama mbai porãmba, tẽvã mbai porãmba japo'ia kuãã hareka heshããshu.

1 Juan 4:13

Jaikuaa Tũpa hãndi ñaĩva, hareka hai ẽẽ ñandypyy, shara meẽ ñande je Espiritu.

1 Juan 4:7

Shyryvy ahaihuvare, jaijyhaihupaveĩ rãngapo, shara jyhaihu ou Tũpaivi. Opaite pyryhaihuva rãnga hai Tũpa tay hareka Tũpa kuaashu.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

1 Juan 5:2

Tũpa jahaihurã hareka jajaposhu hai ñono ñandevarã, jaikuaa jahaihuva jyve Tũpa tayre.

1 Juan 5:3

Jahaihu Tũpa he'ise jajaposhu hai potava; hareka hai potava ha'ẽã javaii jajapova.

Apocalipsis 12:17

Hãma mboi vasu poshyitevejyshu taupe, hãrã japo ñyrãrõ vasu ñymoña hãndiare, japovare ñee japoa verã Tũpa ña'ãpova hareka jyrojaheva Jesús ĩñee.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Apocalipsis 22:14

Vy'apo mondeva joheñoĩvare, shara hipitypo yvyra'ia tykove opamba meẽva, hareka iche verã tenta hõcheipi.