1 Juan 2:28 - NandevaBiblia

²⁸ Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

1 Juan 2:28 Iomraidhean Croise

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Lucas 17:30

Kyrã katĩĩpo jehujykui Kuareta Tay ijeshakamarã.

Romano 9:33

Mbe'uhava rãĩmi kuatia Mbyparavape: “Ãñono pente ita Sionpe, ita mbyvapi'ẽ verãre; jyrojaheva ñymymarãkããpo”.

1 Corintios 1:7

Hãme rãnga, pyhãrõteripẽĩ Ñandeja Jesucristo oujy verãrã, mba'etyãpope mbai kavikue Tũpa meẽpeva.

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

1 Timoteo 6:14

rijapo verã opa mbai she hai ndeva. Iko tykove kyambape, kuaretare heshamba ndyrehe verã maĩnunga porãmba vekua, Ñandeja Jesucristo hykuaĩ oujyapeve,

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

1 Juan 3:21

Shyryvy ahaihuvare, ñandypyapy'õ ñaniñono kavi'ẽrã, jairojañaĩhe Tũpa.

1 Juan 4:17

Kyrãrãpo jyhaihu jykuaakavi ñandyrehekui, jakyjeveama verã pirĩmbivacheava jy'arape, shara Jesucristo iko vekua rãĩmi jaiko ko yvy'ĩãrẽ.

1 Juan 5:14

Ore jyrojahahe Tũpa, shara jaikuaa hai potava rãĩmi jairureshurã, hai ñanyrẽndu.

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.