1 Juan 2:27 - NandevaBiblia

²⁷ Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

1 Juan 2:27 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Juan 14:16

Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 6:45

Tũpa ĩñee mbeu'iare tynondeva mbypara vekuape kyrãmãĩ hei: “Tũpa opaitepo mboishu reta”. Hãrã opavare henduva hareka kuaa kavishia Sheru ĩñee, haipo shyryhevare.

1 Corintios 2:12

Me'ẽhãã rãnga ñande espiritu ko yvy'ĩãrẽ'ia, me'ẽã ñande Espiritu Tũpaivi ouva, jaikuaa verã mbai Tũpa ñandyparekorã meẽreii ñandeva.

1 Corintios 2:13

Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

2 Corintios 1:21

Tũpa meẽ ore hareka meẽ jyvepe pente ñeepe jaiko verã Cristo rehe, hãme rãnga hai ñanymbyheko kavi.

Efesios 4:21

Pee rãnga pyhendushi, hareka pirojaherã rehe pynymbo'eha kavihe vekua, haiva Jesús ryheva añeteva.

Colosenses 2:6

Hãrã pee pymyvãhẽshuva rãĩmi Jesucristo Pyndejarã, kyrãĩpo piko jyve Hai potava rãĩmi;

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

1 Juan 3:24

Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.

2 Juan 1:2

shara añeteva iko ñandypyape hareka opa arapo ẽẽ ñanendie.