1 Juan 2:24 - NandevaBiblia

²⁴ Hãme rãnga avy poi pijapo aryka'e pynymbo'eahe vekua. Pijapoñoĩ peho pynymbo'eahearã, pẽĩñoĩpo hãndikui Tyray hareka Teru.

1 Juan 2:24 Iomraidhean Croise

Lucas 1:2

ỹrymboiva rãĩmi jypyiterãvãĩ hesha vekuare, hareka pyrỹmbory mbe'ua verã Ñee kaviva.

Lucas 9:44

“Pyhendu kavi kova hareka avy pyndysarehekui; kuareta Tay mẽ'ẽhapokui kuaretare ipope”.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Juan 8:25

Haipe pyrãndushu reta: Mbavara nde? Jesús heishu reta: Tynonde rãnga ambeupeje.

Filipenses 4:15

Pee Filipope'õre pikuaa jyve, ãñepỹrõ ambeu'ai ko Ñee kavivarã, ahajy Macedoniaivirã, koñeĩ pende tũpao rahaka she Tũpape me'ẽãva aikotẽveva pevarã.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 2:7

Shyryvy ahaihuvare, kova ñeẽ japoha verã ambyparapeva ha'ẽã py'ahuva, jypyiterãvãĩ ĩmemapyre vekua rãngajy.

1 Juan 3:24

Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.

1 Juan 4:13

Jaikuaa Tũpa hãndi ñaĩva, hareka hai ẽẽ ñandypyy, shara meẽ ñande je Espiritu.

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

1 Juan 4:16

Ñande jaikuaa hareka jaroja Tũpa ñandyraihuva, shara Tũpa hai jyhaihu añeteva, hareka Tũpa jyhaihukue pyape ĩmereva, Tũpa iko jyvepy.

2 Juan 1:2

shara añeteva iko ñandypyape hareka opa arapo ẽẽ ñanendie.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.

3 Juan 1:3

shara shymbyvy'aiteva hai ñandyryvyre jyveru mbeushe marãra riko hekopekavi hareka marãra ryvata añetevape.

Apocalipsis 3:11

Aijyserima. Ñyngarekokavihe ĩmeryreva, avy mbava typyhỹrõ ndyhevikui mbai tankare ñonoava iju verava.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.